ഡോ. ​പ്രി​യ വ​ര്‍​ഗീ​സി​ന്‍റെ നി​യ​മ​നം: യു​ജി​സി സു​പ്രീം കോ​ട​തി​യി​ല്‍

ന്യൂഡൽഹി: പ്രിയ വർഗീസിനെ കണ്ണൂർ സർവകലാശാല അസോഷ്യേറ്റ് പ്രഫസറായി നിയമിച്ചതു റദ്ദാക്കണമെന്ന് ആവശ്യപ്പെട്ടു യുജിസി സുപ്രീം കോടതിയിൽ ഹർജി നൽകി. പ്രിയാ വർഗീസിന് അനുകൂലമായുള്ള വിധി അഖിലേന്ത്യാ തലത്തിൽ പ്രത്യാഘാതമുണ്ടാക്കുമെന്ന് ചൂണ്ടിക്കാട്ടിയാണ് യുജിസി സുപ്രീംകോടതിയെ സമീപിച്ചത്. പ്രിയയുടെ നിയമനം ശരിവച്ച കേരള ഹൈക്കോടതി വിധിയാണ് യുജിസി ചോദ്യം ചെയ്യുന്നത്. 2018-ലെ യുജിസി ചട്ടം നിഷ്‌കർഷിക്കുന്ന അധ്യാപന പരിചയം പ്രിയയ്ക്ക് ഇല്ലെന്നാണ് യുജിസിയുടെ പ്രധാനവാദം.

പാ​ഠ്യേ​ത​ര പ്ര​വ​ര്‍​ത്ത​ന​ങ്ങ​ള്‍ അ​ധ്യാ​പ​ന പ​രി​ച​യ​മാ​യി ക​ണ​ക്കാ​ക്കി​യാ​ണ്​ ഹൈ​ക്കോ​ട​തി ഡി​വി​ഷ​ന്‍ ബെ​ഞ്ച് പ്രി​യ​യ്ക്ക​നു​കൂ​ല​മാ​യി വി​ധി​ച്ച​ത്. എ​ന്നാ​ല്‍ ഇ​ത്ത​രം പ്ര​വ​ര്‍​ത്ത​ന​ങ്ങ​ള്‍ അ​ധ്യാ​പ​ന പ​രി​ച​യ​മാ​യി ക​ണ​ക്കാ​ക്കാ​ന്‍ ക​ഴി​യി​ല്ല എ​ന്നാ​ണ് യു​ജി​സി​യു​ടെ വാ​ദം. 2018 ലെ ​റ​ഗു​ലേ​ഷ​ന്‍ നി​ഷ്‌​ക​ര്‍​ഷി​ക്കു​ന്ന യോ​ഗ്യ​ത പ്രി​യ​യ്ക്കി​ല്ലെ​ന്നാ​ണ് യു​ജി​സി​യു​ടെ പ​ക്ഷം.ഹൈ​ക്കോ​ട​തി വി​ധി കാ​ര​ണം 2018ലെ ​യു​ജി​സി അ​സോസി​യേ​റ്റ് പ്ര​ഫ​സ​ര്‍ നി​യ​മ​വും വ​കു​പ്പു​ത​ന്നെ അ​പ്ര​സ​ക്ത​മാ​കു​ന്ന സ്ഥി​തി​യാ​ണു​ള്ള​തെ​ന്നും യു​ജി​സി അ​പ്പീ​ലി​ല്‍ പ​റ​യു​ന്നു. റെ​ഗു​ലേ​ഷ​നെ പൂ​ര്‍​ണ​മാ​യി ഇ​ല്ലാ​താ​ക്കു​ന്ന ഉ​ത്ത​ര​വാ​ണ് ഹൈ​ക്കോ​ട​തി​യു​ടേ​തെ​ന്നും അ​വ​ര്‍ ചൂ​ണ്ടി​ക്കാ​ട്ടു​ന്നു.പ്രി​യ​യു​ടെ നി​യ​മ​നം ശ​രി​വ​ച്ച സാ​ഹ​ച​ര്യ​ത്തി​ല്‍ മ​റ്റ് സം​സ്ഥാ​ന​ങ്ങ​ളി​ല്‍ നി​ന്നും സ​മാ​ന​മാ​യ ആ​വ​ശ്യ​ങ്ങ​ള്‍ പ​ല കേ​സു​ക​ളി​ലും ഉ​യ​രാ​മെ​ന്നും യു​ജി​സി പ​റ​യു​ന്നു. യു​ജി​സി അ​പ്പീ​ല്‍ ഈ ​ആ​ഴ്ച സു​പ്രീം കോ​ട​തി പ​ണി​ഗ​ണി​ച്ചേ​ക്കാ​നി​ട​യു​ണ്ട്. ​കേ​സി​ലെ പ​രാ​തി​ക്കാ​രൻ ജോസഫ് സ്കറിയയും സു​പ്രീം കോ​ട​തി​യെ സ​മീ​പി​ക്കു​മെ​ന്നാണ് വിവരം.

യുജിസി ഹർജി നൽകും മുൻപു തന്നെ പ്രിയ വർഗീസ് സുപ്രീം കോടതിയെ സമീപിച്ചിരുന്നു. തന്റെ വാദം കേൾക്കാതെ ഇവയിൽ ഉത്തരവ് പുറപ്പടുവിക്കരുതെന്നു വ്യക്തമാക്കിയാണ് പ്രിയ ഹർജി നൽകിയിരിക്കുന്നത്. ഹൈക്കോടതി വിധിക്കെതിരെ അപ്പീൽ നൽകുമെന്നു കേസിലെ പരാതിക്കാരനായ ഡോ. ജോസഫ് സ്കറിയ വ്യക്തമാക്കിയിട്ടുണ്ടെങ്കിലും ഇതുവരെ സമീപിച്ചിട്ടില്ല.  സർവകലാശാലയിലെ മലയാളം വിഭാഗത്തിൽ അസോഷ്യേറ്റ് പ്രഫസർ നിയമത്തിനുള്ള റാങ്ക് പട്ടികയിൽ പ്രിയയുടെ അധ്യാപനപരിചയം യുജിസി ചട്ടപ്രകാരമല്ലെന്നായിരുന്നു ഹൈക്കോടതിയുടെ സിംഗിൾ ബെഞ്ച് നേരത്തേ വിധിച്ചത്. ഇതാണു പിന്നീടു ഡിവിഷൻ ബെഞ്ച് റദ്ദാക്കിയത്.