മഞ്ചേശ്വരത്ത് എംഡിഎംഎയുമായി രണ്ടു യുവാക്കള് പിടിയില്
വെഞ്ഞാറമൂട് കൂട്ടക്കൊല : പ്രതി അഫാന്റെ പിതാവ് അബ്ദുറഹിം നാട്ടിലെത്തി
February 28, 2025
ആശ വര്ക്കര്മാരുടെ സമരസമിതി നേതാവ് മിനിയെ അധിക്ഷേപിച്ച് സിഐടിയു നേതാവ്
February 28, 2025
കാസര്കോട് : മഞ്ചേശ്വരത്ത് എംഡിഎംഎയുമായി രണ്ട് യുവാക്കളെ പൊലീസ് അറസ്റ്റ് ചെയ്തു. മിയാപദവ് സ്വദേശികളായ സയ്യിദ് ഹഫ്രീസ് (25), മുഹമ്മദ് സമീര് എസ് കെ (24) എന്നിവരാണ് പ്രതികള്. മയക്കുമരുന്ന് വില്ക്കാന് എത്തിയപ്പോള് മീഞ്ചയില് നിന്ന് 74.8 ഗ്രാം എംഡിഎംഎയുമായാണ് ഇവര് പിടിയിലായത്.
കഴിഞ്ഞ കുറെ മാസങ്ങളായി ഇവരുടെ പ്രവര്ത്തനം പൊലീസ് നിരീക്ഷിച്ച് വരികയായിരുന്നു. ഇവര് ബംഗളൂരു കേന്ദ്രീകരിച്ചാണ് പ്രവര്ത്തിച്ചിരുന്നത്. പ്രധാനമായും ബംഗളൂരുവില് നിന്ന് എംഡിഎംഎ കടത്തി കേരളത്തിന്റെ വിവിധ ഭാഗങ്ങളില് വില്പ്പനയ്ക്കായി എത്തിക്കുകയായിരുന്നു ഇവരുടെ രീതി.
കര്ണാടക, കേരള സംസ്ഥാനങ്ങളില് ഉടനീളം പ്രവര്ത്തിക്കുന്ന മയക്കുമരുന്ന് മാഫിയയുടെ പ്രധാന ശൃംഖലകള് തകര്ക്കുന്നതില് ഇവരുടെ അറസ്റ്റ് ഒരു സുപ്രധാന വഴിത്തിരിവാകുമെന്നാണ് പൊലീസ് പ്രതീക്ഷിക്കുന്നത്. മയക്കുമരുന്നിന്റെ വിതരണത്തിന് ഇവര് ഉപയോഗിച്ചിരുന്ന സ്കൂട്ടര് പിടിച്ചെടുത്തിട്ടുണ്ട്. മയക്കുമരുന്ന് വില്പ്പനയ്ക്കെതിരെ സ്വീകരിച്ച കര്ശന നടപടിയുടെ ഭാഗമായാണ് അറസ്റ്റ്.
മേഖലയിലെ മയക്കുമരുന്നുമായി ബന്ധപ്പെട്ട പ്രവര്ത്തനങ്ങള് തടയുക എന്ന ലക്ഷ്യത്തോടെ കാസര്കോട് പൊലീസ് മേധാവി ശില്പ ഡിയുടെ നേതൃത്വത്തില് ആരംഭിച്ച മയക്കുമരുന്ന് വിരുദ്ധ പദ്ധതിയായ സേഫ് കാസര്കോടിന്റെ ഭാഗമായാണ് അറസ്റ്റ്. കാസര്കോട് ഡിവൈഎസ്പി സുനില്കുമാര് സി കെ, മഞ്ചേശ്വരം സബ് ഇന്സ്പെക്ടര് രതീഷ് ഗോപി, എഎസ്ഐ സദന്, സിപിഒമാരായ നിജിന് കുമാര്, രജിഷ് കാട്ടാമ്പള്ളി എന്നിവര് അടങ്ങിയ സംഘമാണ് പ്രതികളെ പിടികൂടിയത്.
