ഹരിയാനയിലെ നൂഹിൽ ഇരുവിഭാഗങ്ങൾ തമ്മിലുള്ള സംഘർഷത്തിൽ രണ്ടുപേർ കൊല്ലപ്പെട്ടു , പ്രദേശത്ത് നിരോധനാജ്ഞ

ഗു​രു​ഗ്രാം: ഹ​രി​യാ​ന​യി​ലെ ഗു​രു​ഗ്രാ​മി​നോ​ട് ചേ​ർ​ന്നു​ള്ള നു​ഹി​ൽ ന​ട​ന്ന മ​ത​പ​ര​മാ​യ ഘോ​ഷ​യാ​ത്ര​യ്ക്കി​ടെ സം​ഘ​ർ​ഷ​ത്തി​ൽ രണ്ടുപേ​ർ കൊ​ല്ല​പ്പെ​ട്ടു. വെ​ടി​യേ​റ്റ ഹോം​ഗാ​ർ​ഡു​ക​ളാ​ണ് കൊ​ല്ല​പ്പെ​ട്ട​ത്. ഏഴു പൊലീസുകാർ അടക്കംനിരവധി പേർക്ക്‌ പരിക്കേറ്റു. നിരവധി വാഹനങ്ങൾ കത്തിച്ചു. മേഖലയിൽ രാത്രി വൈകിയും സംഘർഷം തുടരുകയാണ്‌. നിരോധനാജ്ഞ പ്രഖ്യാപിച്ചു. ബുധനാഴ്‌ചവരെ നൂഹ്‌ ജില്ലയിൽ ഇന്റർനെറ്റ്‌ വിച്ഛേദിക്കുകയും ചെയ്‌തു.

വി​ശ്വ​ഹി​ന്ദു പ​രി​ഷ​ത്ത് ന​ട​ത്തി​യ ബ്രി​ജ് മ​ണ്ഡ​ൽ ജ​ലാ​ഭി​ഷേ​ക് യാ​ത്ര​യ്ക്കി​ടെ​യാ​ണ് സം​ഘ​ർ​ഷ​മു​ണ്ടാ​യ​ത്. ഗു​രു​ഗ്രാം-​ആ​ൾ​വാ​ർ ദേ​ശീ​യ പാ​ത​യി​ലെ​ത്തി​യ ഘോ​ഷ​യാ​ത്ര ഒ​രു സം​ഘം യു​വാ​ക്ക​ൾ ത​ട​യു​ക​യും ക​ല്ലെ​റി​യു​ക​യു​മാ​യി​രു​ന്നു. അ​ക്ര​മി​ക​ൾ കാ​റു​ക​ൾ​ക്കും തീ​യി​ട്ടു. കു​ട്ടി​ക​ള​ട​ക്കം 2500 ഓ​ളം പേ​ർ സ​മീ​പ​മു​ള്ള ക്ഷേ​ത്ര​ത്തി​ൽ അ​ഭ​യം പ്രാ​പി​ച്ചു. സം​ഘ​ർ​ഷ​ത്തെ തു​ട​ർ​ന്ന് പൊലീസ്  ക​ണ്ണീ​ർ വാ​ത​കം പ്ര​യോ​ഗി​ക്കു​ക​യും ആ​കാ​ശ​ത്തേ​ക്ക് വെ​ടി​യു​തി​ർ​ക്കു​ക​യും ചെ​യ്തു. ഇ​രു​പ​തോ​ളം പേ​ർ​ക്ക് പ​രി​ക്കേ​റ്റി​ട്ടു​ണ്ടെ​ന്ന് പൊലീസ് പ​റ​ഞ്ഞു.

പശുക്കടത്ത്‌ ആരോപിച്ച്‌ ഹരിയാനയിൽ രണ്ടു യുവാക്കളെ ചുട്ടുകൊന്ന കേസിലെ പ്രതിയായ സംഘപരിവാർ പ്രവർത്തകൻ മോനു മനേസറും സംഘവും യാത്രയിൽ പങ്കാളികളായത്‌ സംഘർഷത്തിന്‌ കാരണമായിട്ടുണ്ട്‌. ഇതോടൊപ്പം ഒരു വിഎച്ച്‌പി പ്രവർത്തകൻ സമൂഹമാധ്യമത്തിൽ പ്രകോപനപരമായ പോസ്റ്റിട്ടതും ഏറ്റുമുട്ടലിന്‌ വഴിയൊരുക്കി.ഹരിയാനയിൽ ന്യൂനപക്ഷങ്ങൾ കൂടുതലായുള്ള മേഖലകളിലൊന്നാണ്‌ നൂഹ്‌ ജില്ല.ജ​ന​ങ്ങ​ൾ സ​മാ​ധാ​നം പാ​ലി​ക്ക​ണ​മെ​ന്ന് ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ ലാ​ൽ ഖ​ട്ടാ​ർ നി​ർ​ദേ​ശി​ച്ചു. കു​റ്റ​ക്കാ​ർ​ക്കെ​തി​രെ ശ​ക്ത​മാ​യ ന​ട​പ​ടി​യെ​ന്നും ഖ​ട്ടാ​ർ വ്യ​ക്ത​മാ​ക്കി. . നൂഹിൽ സ്ഥിതി മോശമാണെന്നും ഹരിയാന ആഭ്യന്തരമന്ത്രി അനിൽ വിജ്‌ പ്രതികരിച്ചു.