തൃക്കുന്നപ്പുഴയില് ക്ഷേത്രോത്സവത്തിനിടെ ഗുണ്ടാ സംഘങ്ങള് തമ്മില് സംഘര്ഷം; രണ്ട് പേരുടെ നില ഗുരുതരം
ചെട്ടികുളങ്ങര കുംഭഭരണി നാളെ
February 22, 2026
നിയമസഭ തെരഞ്ഞെടുപ്പ് : ക്രിസ്ത്യന് വോട്ടുറപ്പിക്കാന് സമുദായ നേതാക്കളുമായി ഇന്ന് കേന്ദ്രമന്ത്രി കിരണ് റിജിജുവിന്റെ കൂടിക്കാഴ്ച
February 22, 2026
ആലപ്പുഴ : തൃക്കുന്നപ്പുഴയില് ക്ഷേത്രോത്സവത്തിനിടെ ഗുണ്ടാ സംഘങ്ങള് തമ്മില് സംഘര്ഷം. വലിയ കുളങ്ങര ക്ഷേത്ര ഉത്സവത്തിനിടെ ഉണ്ടായ കൂട്ടയടിയില് പത്തോളംപേര്ക്ക് പരുക്കേറ്റു. സംഘര്ഷത്തിനിടെ എയര് ഗണ് ഉപയോഗിച്ച് വെടിയുതിര്ക്കാനും ശ്രമം നടന്നു. ഞായറാഴ്ച പുലര്ച്ചെയാണ് അക്രമം നടന്നത്.
പുളിക്കീഴില്നിന്നും പല്ലനയില്നിന്നുമുള്ള സംഘങ്ങളാണ് ഏറ്റുമുട്ടിയത്. മദ്യലഹരിയിലായിരുന്നു ഇരുസംഘവും. സംഘര്ഷത്തിനിടെ വിഷ്ണു സജിന് എന്നയാളാണ് എയര്ഗണ് ഉയര്ത്തി ഭീകരാവസ്ഥ സൃഷ്ടിച്ചത്. മറുവിഭാഗം തോക്ക് പിടിച്ചു വാങ്ങി ആക്രമിച്ചു. പരുക്കേറ്റവര് ആശുപത്രിയില് ചികിത്സയിലാണ്. ഇതില് രണ്ട് പേരുടെ നില ഗുരുതരമാണെന്നാണ് റിപ്പോര്ട്ട്.
സംഘര്ഷത്തില് പൊലീസ് കേസെടുത്തു. മേഖലയില് സ്ഥിരമായി പ്രശ്നമുണ്ടാക്കുന്ന സംഘങ്ങളാണ് ഉത്സവത്തിനിടെ ഏറ്റുമുട്ടിയതെന്നാണ് നാട്ടുകാര് പറയുന്നു.
