തിരുവിതാംകൂര് ദേവസ്വം ബോര്ഡ് പുതിയ ഭരണസമിതി ഇന്ന് ചുമതലയേല്ക്കും
കേരളത്തിൽ ഒറ്റപ്പെട്ടയിടങ്ങളിൽ ചൊവ്വാഴ്ച വരെ ഇടിമിന്നലോട് കൂടിയ മഴയ്ക്ക് സാധ്യത
November 15, 2025
മണ്ഡല മകരവിളക്ക് തീര്ഥാടനം; ശബരിമലയിൽ വിപുലമായ ക്രമീകരണം
November 15, 2025
തിരുവനന്തപുരം : ശബരിമല സ്വര്ണക്കൊളള കേസില് എസ്ഐടി അന്വേഷണം തുടരുന്നതിനിടെ, തിരുവിതാംകൂര് ദേവസ്വം ബോര്ഡ് പുതിയ ഭരണസമിതി ഇന്ന് ചുമതലയേല്ക്കും. പ്രസിഡന്റായി മുന് ചീഫ് സെക്രട്ടറി കെ ജയകുമാറും അംഗമായി മുന് മന്ത്രി കെ രാജുവും രാവിലെ പതിനൊന്നരയ്ക്ക് ദേവസ്വം ബോര്ഡ് ആസ്ഥാനത്ത് സത്യപ്രതിജ്ഞ ചെയ്യും. രണ്ട് വര്ഷത്തേക്കാണ് കാലാവധി. പ്രസിഡന്റായിരുന്ന പി എസ് പ്രശാന്തും അംഗം എ അജികുമാറും വ്യാഴാഴ്ച സ്ഥാനമൊഴിഞ്ഞിരുന്നു.
സ്വര്ണക്കൊളള കേസില് മുന് പ്രസിഡന്റും കമ്മീഷണറുമായ എന് വാസുവും ഉദ്യോഗസ്ഥരും അറസ്റ്റിലായി. എസ്ഐടി അന്വേഷണം ഉന്നതരിലേക്കും നീളുകയാണ്. അതിനിടെയാണ് പ്രതിച്ഛായ മെച്ചപ്പെടുത്തുന്നതിന് പുതിയ ഭരണസമിതിയെ നിയോഗിച്ചത്.
ചീഫ് സെക്രട്ടറിയായിരുന്ന കെ ജയകുമാര് വിരമിച്ച ശേഷം അഞ്ച് വര്ഷം മലയാളം സര്വകലാശാല വിസിയായിരുന്നു. നിലവില് ഐഎംജി ഡയറക്ടറായി തുടരവെയാണ് പുതിയ പദവി.
