ചിങ്ങവനം- കോട്ടയം സെക്ഷനില് അറ്റകുറ്റപ്പണി; കോട്ടയം റൂട്ടില് ഇന്ന് ട്രെയിന് നിയന്ത്രണം
2023ല് മുഖ്യമന്ത്രിയുടെ മകന് ഇഡി സമൻസ് അയച്ചതുമായി ബന്ധപ്പെട്ട വിവരങ്ങള് പുറത്ത്
October 11, 2025
അഫ്ഗാനിസ്ഥാന് വിദേശകാര്യ മന്ത്രിയുടെ ഡല്ഹിയിലെ വാര്ത്താസമ്മേളനത്തില് വനിതാ മാധ്യമപ്രവര്ത്തകർക്ക് വിലക്ക്
October 11, 2025
തിരുവനന്തപുരം : ചിങ്ങവനം- കോട്ടയം സെക്ഷനില് പാലത്തിന്റെ അറ്റകുറ്റപ്പണിയെ തുടര്ന്ന് ശനിയാഴ്ച ഇതുവഴിയുള്ള ട്രെയിന് സര്വീസിന് നിയന്ത്രണം ഏര്പ്പെടുത്തി. കൊല്ലം ജങ്ഷന്- എറണാകുളം ജങ്ഷന് (66310) മെമു എക്സ്പ്രസ് റദ്ദാക്കിയപ്പോള് നിരവധി ട്രെയിനുകള് ആലപ്പുഴ വഴി തിരിച്ചുവിടുകയും ചിലത് ഭാഗികമായി റദ്ദാക്കുകയും ചെയ്തു.
ആലപ്പുഴ വഴി തിരിച്ചുവിടുന്നവ :
- തിരുവനന്തപുരം നോര്ത്ത്-എസ്എംവിടി ബംഗളൂരു ഹംസഫര് എക്സ്പ്രസ് (16319). കായംകുളം, ആലപ്പുഴ, എറണാകുളം ജങ്ഷന് എന്നിവിടങ്ങളില് സ്റ്റോപ്പ് അനുവദിച്ചു.
- കന്യാകുമാരി-ദിബ്രുഗഡ് വിവേക് എക്സ്പ്രസ് (22503). ആലപ്പുഴയിലും എറണാകുളം ജങ്ഷനിലും അധിക സ്റ്റോപ്പ്
- തിരുവനന്തപുരം സെന്ട്രല്-മധുര അമൃത എക്സ്പ്രസ് (16343). ഹരിപ്പാട്, അമ്പലപ്പുഴ, ആലപ്പുഴ, ചേര്ത്തല, എറണാകുളം ജങ്ഷന് എന്നിവിടങ്ങളില് സ്റ്റോപ്പ്
- തിരുവനന്തപുരം സെന്ട്രല്-മംഗളൂരു സെന്ട്രല് എക്സ്പ്രസ് (16347). കായംകുളം, ഹരിപ്പാട്, അമ്പലപ്പുഴ, ആലപ്പുഴ, ചേര്ത്തല, എറണാകുളം ജങ്ഷന് എന്നിവിടങ്ങളില് സ്റ്റോപ്പ്
ഭാഗികമായി റദ്ദാക്കിയവ :
മധുര-ഗുരുവായൂര് എക്സ്പ്രസ് (16327) കൊല്ലത്ത് യാത്ര അവസാനിപ്പിക്കും, ഗുരുവായൂര്-മധുര എക്സ്പ്രസ് (16328) 12ന് പകല് 12.10ന് കൊല്ലത്ത് നിന്നായിരിക്കും പുറപ്പെടുക. കോട്ടയം-നിലമ്പൂര് റോഡ് എക്സ്പ്രസ് (16326) 11ന് രാവിലെ ഏറ്റുമാനൂരില് നിന്നായിരിക്കും പുറപ്പെടുക
വൈകിയോടുന്നവ :
കൊല്ലം ജങ്ഷന്-എറണാകുളം ജങ്ഷന് എക്സ്പ്രസ് (66322) 15 മിനിറ്റും, തൂത്തുക്കുടി-പാലക്കാട് ജങ്ഷന് പാലരുവി എക്സ്പ്രസ് (16791) 10 മിനിറ്റും വൈകിയോടും.
