23 , 24 , 25 തീയതികളിൽ ബംഗളൂരുവിലേക്കുള്ള ചില ട്രെയിനുകൾ റദ്ദാക്കുമെന്ന് റെയിൽവേ

തിരുവനന്തപുരം: ജോലാർപേട്ടിനും സോമനായകനപട്ടിയിലും റെയിൽപാതയിൽ നിർമ്മാണജോലികൾ നടക്കുന്നതിനാൽ 23ന് കൊച്ചുവേളിയിൽ നിന്ന് ബാംഗ്ളൂരിലേക്കുള്ള എക്സ്‌പ്രസും 24ന് ബാംഗ്ളൂർ എസ്.എം.വി.ടിയിൽ നിന്ന് കൊച്ചുവേളിയിലേക്കുള്ള സർവീസും റദ്ദാക്കിയതായി റെയിൽവേ അറിയിച്ചു. കൂടാതെ എറണാകുളത്തുനിന്ന് ബാംഗ്ളൂരിലേക്ക് 24നുള്ള ത്രൈവാര എക്സ്‌പ്രസും 25ന് എറണാകുളത്തേക്കുള്ള മടക്ക സർവീസും റദ്ദാക്കിയിട്ടുണ്ട്. കന്യാകുമാരിയിൽ നിന്ന് ബാംഗ്ളൂരിലേക്കുള്ള ഐലൻഡ് എക്സ്‌പ്രസ് 24ന് ഒന്നേകാൽ മണിക്കൂർ വൈകും.കൂടാതെ ബാംഗ്ളൂരിൽ നിന്ന് കന്യാകുമാരിയിലേക്കുള്ള ഐലൻഡ് എക്സ്‌പ്രസ് 12,14,21,24 തീയതികളിൽ കെ.ആർ.പുരം,ബംഗാർപേട്ട്,കുപ്പം സ്റ്റേഷനുകൾ ഒഴിവാക്കി ബൈപ്പനഹള്ളി,ഹൊസൂർ, ബംഗാർപേട്ട് വഴിയായിരിക്കും സർവീസ് നടത്തുക. കൊച്ചുവേളി – ഹുബ്ളി പ്രതിവാര സൂപ്പർഫാസ്റ്റ് എക്സ്‌പ്രസ് 14,20 തീയതികളിൽ ബംഗാർപേട്ട് ഒഴിവാക്കി ഹൊസൂർ,ബൈപ്പനഹള്ളി വഴിയായിരിക്കും സർവീസ് നടത്തുക.