ടിപി വധക്കേസ് : പ്രതികൾക്ക് ശിക്ഷാ ഇളവ് നൽകാനുള്ള സർക്കാർ നീക്കം ലോകത്തെ അറിയിച്ചത് ഏഷ്യാനെറ്റ് ന്യൂസ്

ടിപി വധക്കേസ് പ്രതികൾക്ക് ശിക്ഷാ ഇളവ് നൽകാനുള്ള എൽ.ഡി.എഫ് സർക്കാർ നീക്കം പുറത്തുകൊണ്ടു വന്ന് ഏഷ്യാനെറ്റ് ന്യൂസ്. ഹൈക്കോടതി വിധിക്ക് വിപരീതമായി ടിപി കേസ് പ്രതികളായ ടികെ രജീഷ്,മുഹമ്മദ് ഷാഫി, അണ്ണൻ സിജിത്ത് എന്നിവർക്ക് ജാമ്യം നൽകാനുള്ള നീക്കമാണ് ഏഷ്യാനെറ്റ് ന്യൂസ് വെളിയിൽ കൊണ്ടുവന്നത്. പൊലീസിന് കണ്ണൂർ സെൻട്രൽ ജയിൽ സൂപ്രണ്ട് നൽകിയ കത്തിന്റെ പകർപ്പ് ഏഷ്യാനെറ്റ് ന്യൂസ് ശനിയാഴ്ച രാവിലെ പുറത്തുവിട്ടതോടെ രാഷ്ട്രീയ കേരളത്തിന്റെ ശ്രദ്ധ വീണ്ടും ടിപി കേസിലേക്ക് എത്തുകയായിരുന്നു.

ശി​ക്ഷ ഇ​ള​വി​ല്ലാ​ത്ത ജീ​വ​പ​ര്യ​ന്തം ത​ട​വിനാണ് ഹൈ​ക്കോ​ട​തി പ്ര​തി​ക​ളെ ശി​ക്ഷി​ച്ചിട്ടുള്ളത്. പ്ര​തി​ക​ളു​ടെ അ​പ്പീ​ൽ ത​ള്ളി​യാ​യി​രു​ന്നു ശി​ക്ഷ വ​ർ​ധി​പ്പി​ച്ച വിധി ഹൈക്കോടതി പറഞ്ഞത്. ഇത് മറികടക്കാനും പ്രതികളിൽ മൂന്നുപേർക്ക് ശിക്ഷാ ഇളവ് തന്നെ നൽകാനുമാണ് പിണറായി സർക്കാർ നീക്കം നടത്തിയത്. ഏഷ്യാനെറ്റ് ന്യൂസ് വാർത്ത പുറത്തുവിട്ടതോടെ ടിപി ചന്ദ്രശേഖരന്റെ ഭാര്യയും വടകര എം.എൽ.എയുമായ കെകെ രമ പ്രതികരണവുമായി രംഗത്തു വന്നു.ടി.​പി. വ​ധ​ക്കേ​സി​ലെ പ്ര​തി​ക​ൾ​ക്ക് ശി​ക്ഷ ഇ​ള​വ് ന​ൽ​കാ​നു​ള്ള സ​ർ​ക്കാ​ർ നീ​ക്കം ഗു​രു​ത​ര​മാ​യ കോ​ട​തി​യ​ല​ക്ഷ്യ​മാ​ണെ​ന്ന് ര​മ പ്ര​തി​ക​രി​ച്ചു. ഇ​തി​നെ​തി​രെ കോ​ട​തി​യെ സ​മീ​പി​ക്കും. ഇ​തി​നെ രാ​ഷ്ട്രീ​യ​പ​ര​മാ​യും നി​യ​മ​പ​ര​മാ​യും പ്ര​തി​രോ​ധി​ക്കു​മെ​ന്നും ര​മ പ​റ​ഞ്ഞു.കെസി വേണുഗോപാലും തിരുവഞ്ചൂർ രാധാകൃഷ്ണനുമടക്കമുള്ള കോൺഗ്രസ് നേതാക്കളും സർക്കാരിന്റെ നീക്കത്തിനെതിരെ രംഗത്തു വരികയും ചെയ്തു. ഏഷ്യാനെറ്റ് വാർത്ത സൈബർ ലോകത്തും ചർച്ചയാണ്. ഇങ്ങനെയാണോ സിപിഎം തെറ്റ് തിരുത്തുന്നത് എന്ന ചോദ്യമാണ് സോഷ്യൽ മീഡിയ കമന്റുകളിൽ നിറയുന്നത്.