‘ഇന്ന് അച്ഛന്റെയും അമ്മയുടെയും വിവാഹ വാര്ഷികം..’, കുറിപ്പുമായി വിഎസിന്റെ മകന്
നിമിഷപ്രിയയ്ക്കു മാപ്പില്ല, വധശിക്ഷ നടപ്പാക്കുന്നതു വരെ പോരാടും : തലാലിന്റെ സഹോദരന്
July 16, 2025
വേടന്റെയും ഗൗരി ലക്ഷ്മിയുടെയും പാട്ട് സിലബസിൽ നിന്ന് ഒഴിവാക്കണം; വിദഗ്ധ സമിതി ശുപാർശ
July 16, 2025
തിരുവനന്തപുരം : മുന് മുഖ്യമന്ത്രി വി എസ് അച്യുതാനന്ദന്റെ വിവാഹ വാര്ഷിക ദിനത്തില് പോസ്റ്റുമായി മകന് അരുണ് കുമാര്. പ്രതിസന്ധികള് സമ്മാനിക്കുന്ന വേദനകള്ക്കിടയിലും സ്നേഹത്തിന്റെ ഉണര്ത്തുകള്, പ്രതീക്ഷകള് എന്ന കുറിപ്പോടെ വിഎസിന്റേയും ഭാര്യയുടേയും പഴയ ഫോട്ടോയും ഷെയര് ചെയ്തിട്ടുണ്ട്.
1967 ജൂലായ് 18 നായിരുന്നു വിഎസിന്റെയും വസുമതിയുടെയും വിവാഹം. ആലപ്പുഴ നരസിംഹ റാവു ഓഡിറ്റോറിയത്തിലായിരുന്നു വിവാഹം നടന്നത്. കല്യാണത്തിന് മുഹൂര്ത്തമോ സദ്യയോ ആഭരണങ്ങളോ ഉണ്ടായിരുന്നില്ല. പരസ്പരം ഒരു പൂമാല ചാര്ത്തി വളരെ ലളിതമായിട്ടാരുന്നു വിവാഹം നടന്നത്.
തിരുവനന്തപുരം പട്ടം എസ്യുടി ആശുപത്രിയിലെ തീവ്രപരിചരണ വിഭാഗത്തില് ചികിത്സയിലാണ് വി എസ്. ഇന്നലെ തിരുവനന്തപുരം മെഡിക്കല് കോളജിലെ വിദഗ്ധ സംഘം സന്ദര്ശിച്ച് ചികിത്സകള് വിലയിരുത്തി. തുടര്ന്ന് വിഎസിന്റെ കുടുംബാംഗങ്ങളും എസ്യുടിയിലെ ഡോക്ടര്മാരും ഉള്പ്പെടെ അവലോകന യോഗം ചേര്ന്ന് വിഎസിന് ഇപ്പോള് നല്കി വരുന്ന വെന്റിലേറ്റര് സപ്പോര്ട്ടും ഡയാലിസിസ് ഉള്പ്പെടെയുള്ള ചികിത്സകളും തുടരാന് തീരുമാനമായി. ആരോഗ്യ നില മോശമായതിനെത്തുടര്ന്ന് ജൂണ് 23 ാം തിയതിയാണ് വിഎസിനെ ആശുപത്രിയില് പ്രവേശിപ്പിച്ചത്.
അരുണ് കുമാറിൻറെ ഫെയ്സ്ബുക്ക് പോസ്റ്റ് :-
വര്ഷങ്ങള്!
ഇന്ന് അച്ഛന്റെയും അമ്മയുടെയും വിവാഹ വാര്ഷികം..
പ്രതിസന്ധികള് സമ്മാനിക്കുന്ന വേദനകള്ക്കിടയിലും സ്നേഹത്തിന്റെ ഉണര്ത്തുകള്, പ്രതീക്ഷകള്…
