കോയമ്പത്തൂരില് കാറുകള് കൂട്ടിയിടിച്ച് അപകടം; രണ്ട് മലയാളികളുള്പ്പെടെ മൂന്നുപേര്ക്ക് ദാരുണാന്ത്യം
ആരുടെ വോട്ടും വേണ്ടെന്ന് പറയില്ല; വികസനവും മതനിരപേക്ഷതയുമാണ് ഇടതു നിലപാട് : തോമസ് ഐസക്ക്
March 30, 2026
വികസന സംവാദം : മുഖ്യമന്ത്രിയുടെ വെല്ലുവിളി ഏറ്റെടുത്ത് വിഡി സതീശൻ
March 30, 2026
പാലക്കാട് : കോയമ്പത്തൂര് മധുക്കര ദേശീയപാതയില് കാറുകള് തമ്മില് കൂട്ടിയിടിച്ചുണ്ടായ അപകടത്തില് രണ്ട് മലയാളികളുള്പ്പെടെ മൂന്നുപേര്ക്ക് ദാരുണാന്ത്യം. പാലക്കാട് ചിറ്റൂര് ചന്ദനപ്പുറം സ്വദേശി അജിത്ത് (25), പിരായിരി സ്വദേശി വിനീഷ് (35) എന്നിവരാണ് മരിച്ചത്. അപകടത്തില് നാല് പേര്ക്ക് പരിക്കേറ്റു. അപകടത്തില് പരിക്കേറ്റ ചിറ്റൂര് സ്വദേശി അഭിലാഷ് (20), കാടാങ്കോട് സ്വദേശി സുനില് (40) എന്നിവരെ പാലക്കാട് ജില്ലാ ആശുപത്രിയില് പ്രവേശിപ്പിച്ചു. അഭിലാഷിന്റെ പരിക്ക് ഗുരുതരമായതിനാല് രാത്രിയോടെ തൃശൂര് മെഡിക്കല് കോളജ് ആശുപത്രിയിലേക്ക് മാറ്റി.
കോയമ്പത്തൂരില് വിവാഹച്ചടങ്ങിന്റെ ഫോട്ടോഗ്രഫി കഴിഞ്ഞ് മടങ്ങുമ്പോഴായിരുന്നു അപകടം. സര്വീസ് റോഡിലൂടെ ഇവര് സഞ്ചരിച്ച സ്വിഫ്റ്റ് ഡിസയര് കാറില് എതിര്ദിശയില്നിന്ന് അമിതവേഗത്തിലെത്തിയ ഇന്നോവ കാര് ഡിവൈഡര് തകര്ത്തുവന്ന് ഇടിച്ചുകയറുകയായിരുന്നു.
പരിക്കേറ്റ അജിത്തിനെ കോയമ്പത്തൂര് ജില്ലാ ആശുപത്രിയില് എത്തിച്ചെങ്കിലും മരിച്ചു. വിനീഷിനെ വാളയാര് പിംസ് ആശുപത്രിയില് പ്രവേശിപ്പിച്ചെങ്കിലും രാത്രി എട്ടോടെ മരിച്ചു. തുടര്ന്ന് വിനീഷിന്റെ മൃതദേഹം കോയമ്പത്തൂര് ജില്ലാ ആശുപത്രിയിലേക്ക് മാറ്റി. പോസ്റ്റ്മോര്ട്ടത്തിനുശേഷം ഇരുവരുടെയും മൃതദേഹങ്ങള് നാട്ടിലെത്തിക്കും.
ഇന്നോവ കാറില് സഞ്ചരിച്ച തമിഴ്നാട് സ്വദേശിയായ അദിത്ത് (29) എന്നയാളും അപകടത്തില് മരിച്ചിട്ടുണ്ട്. സംഭവത്തില് കെജി ചാവടി പൊലീസ് അന്വേഷണം ആരംഭിച്ചു. ചന്ദ്രനാണ് അജിത്തിന്റെ അച്ഛന്. അമ്മ: കല്യാണി. സഹോദരങ്ങള്: അരുണ്, അഭിലാഷ്. പ്രീതിയാണ് വിനീഷിന്റെ ഭാര്യ. ഏക മകള് ആദ്യ
