പറവൂരിൽ പുഴയിൽ വീണു കാണാതായ മൂന്ന് കുട്ടികളിൽ ഒരാളുടെ മൃതദേഹം കണ്ടെത്തി, രണ്ട് പേർക്കായുള്ള തെരച്ചിൽ തുടരുന്നു

പറവൂർ :  വടക്കൻ പറവൂരിൽ ചെറിയപല്ലൻതുരുത്ത് പുഴയിൽ വീണു കാണാതായ മൂന്ന് കുട്ടികളിൽ ഒരാളുടെ മൃതദേഹം കണ്ടെത്തി.  ഓ​ട്ടോ ഡ്രൈ​വ​റാ​യ പ​ല്ലം​തു​രു​ത്ത് മ​രോ​ട്ടി​ക്ക​ൽ ബി​ജു​വി​ന്‍റെ​യും ക​വി​ത​യു​ടെ​യും മ​ക​ൾ ശ്രീ​വേ​ദ (10) ആ​ണ് മ​രി​ച്ച​ത്. രണ്ട് പേർക്കായുള്ള തെരച്ചിൽ തുടരുകയാണ്. മുങ്ങൽ വിദ​ഗ്ധരുടെ സഹായത്തോടെയാണ് തെരച്ചിൽ.

പറവൂർ മന്നം സ്വദേശിയായ അഭിനവ് (12), തൃശൂർ ഇരിങ്ങാലക്കുട സ്വദേശി ശ്രീരാഗ് (12) എന്നിവരെയാണ് ഇനി കണ്ടെത്താനുള്ളത്. ഉച്ചക്ക് ശേഷം കളിക്കാനിറങ്ങിയ കുട്ടികളുടെ സൈക്കിളും തുണികളും പുഴയുടെ സമീപം ഇരിക്കുന്നത് കണ്ട് നാട്ടുകാരാണ് കുട്ടികൾ എവിടെയെന്ന് തിരക്കിയത്. പിന്നീടാണ് കുട്ടികളെ കാണാതായ വിവരം വീട്ടുകാരും അറിയുന്നത്. ഇതിലൊരു കുട്ടിയുടെ വീട് തൃശൂരാണ്. അവധിക്ക് ബന്ധു വീട്ടിൽ വന്നതാണ്.

നീ​ന്ത​ല​റി​യാ​വു​ന്ന ഇ​വ​ർ ഇ​വി​ടെ ഏ​റെ നേ​രം നീ​ന്തി​ക​ളി​ച്ചി​രു​ന്നു. ത​ട്ടു​ക​ട​വ് പാ​ല​ത്തി​ന് താ​ഴെ​യാ​യ​തി​നാ​ൽ സാ​ധാ​ര​ണ ആ​രും ഇ​വി​ടെ ഉ​ണ്ടാ​വാ​റി​ല്ല. അ​തി​നാ​ൽ അ​പ​ക​ട​മു​ണ്ടാ​യ​തും കു​ട്ടി​ക​ൾ മു​ങ്ങി പോ​യ​തും ആ​രു​ടെ​യും ശ്ര​ദ്ധ​യി​ൽ​പ്പെ​ട്ടി​ല്ല. ആ​ഴ​മേ​റി​യ പു​ഴ​യ്ക്ക് നാ​ലാ​ൾ താ​ഴ്ച​യെ​ങ്കി​ലു​മു​ണ്ടാ​കും. ഒഴു​ക്കും കൂ​ടു​ത​ലാ​ണ്. ഉ​പ്പു​ള്ള മ​ലി​ന​ജ​ല​മാ​യ​തി​നാ​ൽ പ​ല​രും ഇ​വി​ടെ കു​ളി​ക്കാ​റി​ല്ല.