വിദ്വേഷ പ്രസംഗം : പി സി ജോര്ജിനെ കേസെടുക്കാന് തൊടുപുഴ ജുഡീഷ്യല് മജിസ്ട്രേറ്റ് കോടതി നിര്ദേശം
ഗസ്സയിലെ യുദ്ധക്കുറ്റം; നെതന്യാഹുവിന്റെ അറസ്റ്റ് വാറണ്ട് പിൻവലിക്കണമെന്ന ഇസ്രായേൽ ആവശ്യം ഐസിസി തള്ളി
July 17, 2025
കൊല്ലത്ത് എട്ടാം ക്ലാസ് വിദ്യാര്ഥി സ്കൂളില് ഷോക്കേറ്റ് മരിച്ചു
July 17, 2025
തൊടുപുഴ : വിദ്വേഷ പ്രസംഗത്തില് ബിജെപി നേതാവും മുന് എംഎല്എയുമായ പി സി ജോര്ജിനെതിരെ കേസെടുക്കാന് കോടതി നിര്ദേശം. തൊടുപുഴ ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയുടേതാണ് നിര്ദേശം. അടിയന്തരാവസ്ഥയുടെ അന്പതാം വാര്ഷികത്തോട് അനുബന്ധിച്ച് തൊടുപുഴയില് എച്ച്ആര്ഡിഎസിന്റെ നേതൃത്വത്തില് സംഘടിപ്പിച്ച പരിപാടിയില് നടത്തിയ പ്രസംഗമാണ് ഇത്തവണ പി സി ജോര്ജിന് എതിരായ നടപടിയുടെ അടിസ്ഥാനം.
മുന് പ്രധാനമന്ത്രി ജവാഹര്ലാല് നെഹ്റുവിനെ അധിക്ഷേപിച്ചും മുസ്ലീം സമുദായത്തെ അപകീര്ത്തിപ്പെടുത്തുകയും ചെയ്യുന്ന വിധത്തില് ആയിരുന്നു പി സി ജോര്ജ് പരാമര്ശങ്ങള് നടത്തിയത്. പരാമര്ശത്തിന്റെ പേരില് കേസെടുക്കാന് മുഖ്യമന്ത്രിയെ പി സി ജോര്ജ് വെല്ലുവിളിക്കുകയും ചെയ്തിരുന്നു. വിദ്വേഷ പരാമര്ശത്തിന്റെ പശ്ചാത്തലത്തില് പി സി ജോര്ജിനെയും പരിപാടി സംഘടിപ്പിച്ച എച്ച്ആര്ഡിഎസ് മേധാവി അജി കൃഷ്ണനെയും പ്രതിയാക്കി കേസെടുക്കണമെന്ന് ആവശ്യപ്പെട്ട് യൂത്ത് കോണ്ഗ്രസ് സംസ്ഥാന ജനറല് സെക്രട്ടറി എസ് ടി അനീഷ് പൊലീസില് പരാതി നല്കിയിരുന്നു. എന്നാല് പരാതിയില് നടപടി ഉണ്ടായില്ലെന്ന് ചൂണ്ടിക്കാട്ടി പിന്നീട് കോടതിയെ സമീപിക്കുകയും ചെയ്യുകയായിരുന്നു.
രാജ്യത്തെ നശിപ്പിച്ച ഒന്നാംപ്രതി നെഹ്റു എന്ന മുസല്മാനാണെന്നായിരുന്നു പിസി ജോര്ജിന്റെ വിവാദ പ്രസ്താവന. ദൈവവിശ്വാസമില്ലെന്ന് പറഞ്ഞു നടന്നിരുന്ന നെഹ്റു വീട്ടിനകത്ത് അഞ്ച് നേരം നമസ്കരിക്കുമായിരുന്നു. മറ്റുള്ളവര്ക്ക് ജീവിക്കാന് അവകാശമില്ലെന്ന് കരുതുന്ന തലമുറയെ മുസ്ലിം സമൂഹം വളര്ത്തിക്കൊണ്ടുവരുകയാണ് എന്നും പി സി ജോര്ജ് ആരോപിച്ചിരുന്നു.
