മൂന്നാംഘട്ട വോട്ടെടുപ്പ് ; ബംഗാളിലും മധ്യപ്രദേശിലും മികച്ച പോളിംഗ്

ന്യൂഡല്‍ഹി: ലോക്സഭാ തെരഞ്ഞെടുപ്പിന്റെ മൂന്നാംഘട്ട വോട്ടെടുപ്പ് ആരംഭിച്ചു. ത്തുസംസ്ഥാനത്തും രണ്ട് കേന്ദ്രഭരണപ്രദേശങ്ങളിലുമായി 93 മണ്ഡലങ്ങളാണ് മൂന്നാംഘട്ടത്തിലുള്ളത്.ഒൻപതുമണി വരെയുള്ള കണക്കുകളിൽ ബംഗാളിലും മധ്യപ്രദേശിലും വോട്ടർമാരിൽ ആവേശകരമായ പ്രതികരണം ഉണ്ടായപ്പോൾ മഹാരാഷ്ട്രയിലെ മണ്ഡലങ്ങളിൽ മന്ദഗതിയിലാണ് പോളിംഗ്.

അസം (4), ബിഹാര്‍ (5), ഛത്തീസ്ഗഢ് (7), ഗോവ (2), ഗുജറാത്ത് (25), കര്‍ണാടക (14), മധ്യപ്രദേശ് (8), മഹാരാഷ്ട്ര (11), ഉത്തര്‍പ്രദേശ് (10), പശ്ചിമബംഗാള്‍ (4) സംസ്ഥാനങ്ങള്‍ക്കുപുറമേ കേന്ദ്രഭരണപ്രദേശങ്ങളായ ദാദ്ര ആന്‍ഡ് നാഗര്‍ഹവേലി (2), ദാമന്‍ ആന്‍ഡ് ദിയു (2) എന്നിവിടങ്ങളിലും ചൊവ്വാഴ്ച വോട്ടെടുപ്പ് നടക്കും. രണ്ടാം ഘട്ടത്തില്‍ വോട്ടെടുപ്പ് നടക്കേണ്ടിയിരുന്ന മധ്യപ്രദേശിലെ ബേതുല്‍ മണ്ഡലത്തിലും ഇന്നാണു വോട്ടെടുപ്പ്. സൂറത്തില്‍ ബിജെപി സ്ഥാനാര്‍ഥി എതിരില്ലാതെ തെരഞ്ഞെടുക്കപ്പെട്ടതിനാല്‍ അവിടെ വോട്ടെടുപ്പില്ല. ജമ്മു കശ്മീരിലെ അനന്ത്‌നാഗ്‌രജൗരി മണ്ഡലത്തില്‍ ഇന്നു നിശ്ചയിച്ചിരുന്ന വോട്ടെടുപ്പ് 25ലേക്കു മാറ്റി.

വിവിധ സംസ്ഥാനങ്ങളിലെ വോട്ട് നില (രാവിലെ 9ന്):

∙ അസം 10.12%
∙ ബിഹാർ 10.03%
∙ ഛത്തിസ്ഗഡ് 13.24%
∙ ദാദ്ര നഗർ ഹവേലി, ദാമൻ ദിയു 10.13%
∙ ഗോവ 12.35%
∙ ഗുജറാത്ത് 9.87%
∙ കർണാടക 9.45%
∙ മധ്യപ്രദേശ് 14.22%
∙ മഹാരാഷ്ട്ര 6.64%
∙ ഉത്തർപ്രദേശ് 11.63%
∙ ബംഗാൾ 14.60%