കേരളത്തിൽ ചാവേറാക്രമണ ശ്രമം : ഐ​സി​സ് പ്ര​വ​ര്‍​ത്ത​കനെതിരായ എൻഐഎ കോടതി വിധി ഇന്ന്

കൊച്ചി : കേരളത്തിൽ ചാവേറാക്രമണം നടത്താൻ പദ്ധതിയിട്ട കേസിൽ കൊച്ചിയിലെ എൻഐഎ കോടതി ഇന്ന് വിധി പറയും. ഐ​സി​സ് പ്ര​വ​ര്‍​ത്ത​ക​ന്‍ പാ​ല​ക്കാ​ട് കൊ​ല്ലം​കോ​ട് സ്വ​ദേ​ശി റി​യാ​സ് അ​ബൂ​ബ​ക്ക​റി​നെ​തി​രാ​യ കേ​സി​ലാ​ണ് കോ​ട​തി വി​ധി പ​റ​യു​ന്ന​ത്.

ചാവേറാക്രമണം നടത്താൻ സ്ഫോടക വസ്തുക്കൾ ശേഖരിക്കുന്നതിനിടയിൽ 2019 ലാണ് റിയാസ് പിടിയിലാകുന്നത്. കേരളത്തിൽ നിന്ന് അഫ്ഗാനിൽ പോയി ഐ എസിൽ ചേർന്ന അബ്ദുൽ റാഷിദ് അബ്ദുല്ലയുടെ നിർദേശ പ്രകാരമാണ് റിയാസ് ചാവേറാക്രമണത്തിന് പദ്ധതിയിട്ടതെന്നാണ് എൻ.​ഐ.എ യുടെ കണ്ടെത്തൽ.​ ശ്രീ​ല​ങ്ക​യി​ലെ സ്ഫോ​ട​ന പ​ര​മ്പ​ര​യു​ടെ സൂ​ത്ര​ധാ​ര​നു​മാ​യി ചേ​ര്‍​ന്ന് ഇ​യാ​ള്‍ കേ​ര​ള​ത്തി​ല്‍ സ്ഫോ​ട​ന പ​ര​മ്പ​ര ആ​സൂ​ത്ര​ണം ചെ​യ്തെ​ന്നാ​ണ് എ​ന്‍​ഐ​എ ക​ണ്ടെ​ത്ത​ല്‍.

അബ്ദുൽ റാഷിദിൻ്റെ ഫോൺ സന്ദേശങ്ങളും ഓഡിയോ ക്ലിപ്പും പ്രതിയുടെ ഫോണിൽ നിന്നും എൻഐ എയ്ക്ക് ലഭിച്ചിരുന്നു. പ്രതിക്കൊപ്പം പിടിയിലായ കൊല്ലം സ്വദേശി മുഹമ്മദ് ഫൈസലും കാസർകോട് സ്വദേശി അബൂബക്കർ സിദ്ദീഖും പിന്നീട് കേസിൽ മാപ്പ് സാക്ഷികളായി. യുഎപിഎ സെക്ഷൻ 38,39 വകുപ്പുകൾ പ്രകാരമാണ് കേസ്…