വിഷു ബംപറടിച്ച ഭാഗ്യശാലിയെ കണ്ടെത്തി
മന്ത്രി കെ എം ഷാജിക്കെതിരേ അധിക്ഷേപ പരാമർശം; പൊലീസ് ഉദ്യോഗസ്ഥന് സസ്പെൻഷൻ
May 23, 2026
മുഖ്യമന്ത്രിയുടെ സെക്രട്ടറിയായി ചീഫ് ഇലക്ടറല് ഓഫീസറെ നിയമിച്ചതിനെ വിമര്ശിച്ച് മുന്മന്ത്രി പി രാജീവ്
May 23, 2026
കൊല്ലം : സംസ്ഥാന ഭാഗ്യക്കുറി വകുപ്പിന്റെ വിഷു ബംപറടിച്ച ഭാഗ്യശാലിയെ കണ്ടെത്തി. കരുനാഗപ്പള്ളി സ്വദേശി പൊന്നന്, എടുത്ത ടിക്കറ്റാണ് സമ്മാനര്ഹമായത്. ലോട്ടറിക്കച്ചവടമാണ് തൊഴില്.
‘എന്റെ ലക്കി നമ്പര് രണ്ടാണ്, രണ്ട് എവിടെയും എടുക്കും. ഇത് സ്ഥിരം എടുക്കുന്നുണ്ട്. ഇങ്ങനെ എടുത്തതെല്ലാം ഇവിടെയുണ്ട്. ഞങ്ങള് വീട്ടില് എല്ലാവര്ക്കും ലോട്ടറി കച്ചവടമാണ്.’ ഗൃഹനാഥനായ പൊന്നന് പറഞ്ഞു. ഇവര് എടുത്ത വിബി 135452 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ 12 കോടി രൂപ.
കൊല്ലം കരുനാഗപ്പള്ളി മണപ്പള്ളിയില് പ്രവര്ത്തിക്കുന്ന അമ്മ ലോട്ടറീസില് നിന്നാണ് ടിക്കറ്റ് വാങ്ങിയത്. വില്പനയ്ക്കായി ചെറിയ ലോട്ടറികള് ഏജന്സിയില് നിന്ന് വാങ്ങിയപ്പോള് അവയ്ക്കൊപ്പം തനിക്കായി ഒരു ബംപര് ടിക്കറ്റ് വാങ്ങുകയായിരുന്നു. പൊന്നന് പറഞ്ഞു. പൊന്നനൊപ്പം ഭാര്യ രാധാമണിയമ്മ, മകന് വിനോദും കരുനാഗപ്പള്ളിയിലെ വീട്ടില് താമസിക്കുന്നുണ്ട്. എല്ലാവര്ക്കും ലോട്ടറി കച്ചവടാണ് തൊഴില്.
