പെൻഷൻ കിട്ടാതെ ഭി​ന്ന​ശേ​ഷി​ക്കാ​ര​ൻ ജീ​വ​നൊ​ടു​ക്കി​യ സം​ഭ​വ​ത്തി​ൽ സ്വമേധയ കേ​സെ​ടു​ത്ത് ഹൈ​ക്കോ​ട​തി

കൊ​ച്ചി: വി​ക​ലാം​ഗ പെ​ന്‍​ഷ​ന്‍ മു​ട​ങ്ങി​യ​തി​നാ​ല്‍ ജീ​വി​ക്കാ​ന്‍ ഗ​തി​യി​ല്ലാ​തെ ​ ഭി​ന്ന​ശേ​ഷി​ക്കാ​ര​​ന്‍ ജീ​വ​നൊ​ടു​ക്കി സം​ഭ​വ​ത്തി​ൽ സ്വ​മേ​ധ​യ കേ​സെ​ടു​ത്ത് ഹൈ​ക്കോ​ട​തി. തു​ട​ർ​ന​ട​പ​ടി​ക​ൾ​ക്കാ​യി ചീ​ഫ് ജ​സ്റ്റീ​സി​ന്‍റെ അ​നു​മ​തി തേ​ടി.ച​ക്കി​ട്ട​പ്പാ​റ ഗ്രാ​മ​പ​ഞ്ചാ​യ​ത്തി​ലെ മു​തു​കാ​ട് വ​ള​യ​ത്ത് ജോ​സ​ഫ് എ​ന്ന പാ​പ്പ​ച്ച​ന്‍ (77) ആ​ണു വീ​ടി​ന്‍റെ വ​രാ​ന്ത​യി​ല്‍ തൂ​ങ്ങി​മ​രി​ച്ച​ത്. 

പാ​പ്പ​ച്ച​ന്‍റെ മൃ​ത​ദേ​ഹ​വു​മാ​യി കോ​ൺ​ഗ്ര​സ് പ്ര​വ​ർ​ത്ത​ക​ർ കോഴിക്കോട് കളക്ട്രേറ്റിൽ പ്ര​തി​ഷേ​ധി​ച്ചിരുന്നു . മ​ര​ണ​ത്തി​നു സ​ർ​ക്കാ​രാ​ണ് ഉ​ത്ത​ര​വാ​ദി​ക​ളെ​ന്ന് പ്ര​തി​പ​ക്ഷം ആ​രോ​പി​ച്ചു. സം​ഭ​വ​ത്തെ രാ​ഷ്ട്രീ​യ​വ​ത്ക​രി​ക്കു​ക​യാ​ണെ​ന്ന് സി​പി​എ​മ്മും ആ​രോ​പി​ച്ചു. പ​തി​ന​ഞ്ചു ദി​വ​സ​ത്തി​ന​കം പെ​ന്‍​ഷ​ന്‍ ല​ഭ്യ​മാ​ക്ക​ണ​മെ​ന്നാ​വ​ശ്യ​പ്പെ​ട്ട് ര​ണ്ടു​മാ​സം മു​മ്പ് ച​ക്കി​ട്ട​പ്പാ​റ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​ക്കും പെ​രു​വ​ണ്ണാ​മൂ​ഴി പൊലീസിനും പാ​പ്പ​ച്ച​ന്‍ പ​രാ​തി ന​ല്‍​കി​യി​രു​ന്നു. എ​ന്നാ​ല്‍, സ​ര്‍​ക്കാ​ര്‍​ത​ല​ത്തി​ല്‍ പെ​ന്‍​ഷ​ന്‍ ല​ഭ്യ​മാ​ക്കാ​ന്‍ ന​ട​പ​ടി​യൊ​ന്നും ഉ​ണ്ടാ​യി​ല്ല.

മാ​സം തോ​റും ന​ല്‍​കു​ന്ന വി​ക​ലാം​ഗ പെ​ന്‍​ഷ​നെ ആ​ശ്ര​യി​ച്ചാ​ണ് പാ​പ്പ​ച്ച​നും 47 വ​യ​സു​ള്ള കി​ട​പ്പു​രോ​ഗി​യാ​യ മ​ക​ളും ജീ​വി​ക്കു​ന്ന​ത്. മ​റ്റു ര​ണ്ടു പെ​ണ്‍​മ​ക്ക​ള്‍ വി​വാ​ഹി​ത​രാ​ണ്. ക​ഴി​ഞ്ഞ അ​ഞ്ചു​മാ​സ​മാ​യി പെ​ന്‍​ഷ​ന്‍ മു​ട​ങ്ങി​യി​രി​ക്കു​ക​യാ​ണ്. മ​രു​ന്നു വാ​ങ്ങു​ന്ന​തി​ന​ട​ക്കം സാ​മ്പ​ത്തി​ക പ്ര​യാ​സം നേ​രി​ട്ടി​രു​ന്നു. ജീ​വി​ക്കാ​ന്‍ ഗ​തി​യി​ല്ലാ​താ​യ​പ്പോ​ള്‍ മ​ക​ളെ കോ​ഴി​ക്കോ​ട്ടെ സം​ര​ക്ഷ​ണ കേ​ന്ദ്ര​ത്തി​ലേ​ക്കു മാ​റ്റി​യി​രു​ന്നു. ചൊ​വ്വാ​ഴ്ച ഉ​ച്ച​യ്ക്കു നാ​ട്ടു​കാ​രാ​ണ് തൂ​ങ്ങി​മ​രി​ച്ച നി​ല​യി​ല്‍ പാ​പ്പ​ച്ച​നെ ക​ണ്ടെ​ത്തി​യ​ത്. ഒ​രു വ​ര്‍​ഷം മു​മ്പ് ഭാ​ര്യ മ​രി​ച്ചി​രു​ന്നു.