മലയിടംതുരുത്തിലെ കുടിയൊഴിപ്പിക്കല് : ഈ മാസം 16 വരെ താല്ക്കാലികമായി തടഞ്ഞ് ഹൈക്കോടതി
ഹിന്ദു ഉദ്യോഗസ്ഥനെ വേട്ടയാടുന്നത് പിന്നില് ജമാ അത്തെ ഇസ്ലാമിയുടെ മാധ്യമ ജിഹാദ് : ഹിന്ദു ഐക്യവേദി
June 4, 2026
തിരുവനന്തപുരത്ത് ഭാര്യയെ കഴുത്തറുത്ത് കൊന്ന കേസ്; ഭര്ത്താവ് തമിഴ്നാട്ടില് ട്രെയിന് തട്ടി മരിച്ച നിലയില്
June 4, 2026
കൊച്ചി : എറണാകുളം മലയിടംതുരുത്തിലെ കുടിയൊഴിപ്പിക്കലില് നടപടികള് താല്ക്കാലികമായി തടഞ്ഞ് ഹൈക്കോടതി. കുടിയൊഴിപ്പിക്കലിലെ സാവകാശം ഈ മാസം 16 വരെ നീട്ടി ഹൈക്കോടതി ഉത്തരവ് പുറപ്പെടുവിച്ചു. റൂറല് എസ്പി നല്കിയ അപേക്ഷയിലാണ് ഹൈക്കോടതി സിംഗിള് ബെഞ്ചിന്റെ നടപടി. അതുവരെ പെരുമ്പാവൂര് മുന്സിഫ് കോടതി വിഷയത്തില് മറ്റ് ഉത്തരവ് ഇറക്കരുതെന്നും നിര്ദേശിച്ചിട്ടുണ്ട്.
മലയിടം തുരുത്ത് ഒഴിപ്പിക്കലില് ഈ മാസം 9 വരെ ഹൈക്കോടതി സാര്ക്കാരിന് സാവകാശം അനുവദിച്ചിരുന്നു. അതിനിടെയാണ് കഴിഞ്ഞദിവസം കുടിയൊഴിപ്പിക്കലില് സാവകാശം ഈ മാസം 9 ന് അപ്പുറത്തേക്ക് നീട്ടി നല്കാനാകില്ലെന്നും, അതിനകം നടപടി സ്വീകരിക്കണമെന്നും പെരുമ്പാവൂര് മുന്സിഫ് കോടതി അഭിഭാഷക കമ്മീഷനോട് നിര്ദേശിച്ചിരുന്നു. ഇതേത്തുടര്ന്ന് നാളെ കുടിയൊഴിപ്പിക്കലിന് പൊലീസ് സംരക്ഷണം തേടി അഭിഭാഷക കമ്മീഷന് കത്തു നല്കി.
ഈ സാഹചര്യത്തിലാണ് വിഷയം ഹൈക്കോടതിയുടെ മുന്നിലെത്തിച്ചത്. തുടര്ന്ന് ഈ മാസം 16 വരെ കോടതി സാവകാശം അനുവദിച്ചു. എന്നാല് ഒഴിപ്പിക്കല് ഉത്തരവില് നിന്നും സര്ക്കാരിന് ഒഴിഞ്ഞു മാറാനാകില്ലെന്നും, ഇനിയും സാവകാശം അനുവദിക്കാനാകില്ലെന്നും ഹൈക്കോടതി വ്യക്തമാക്കിയിട്ടുണ്ട്. മലയിടംതുരുത്തിലെ കുടിയൊഴിപ്പിക്കപ്പെടുന്നവരെ പുനരധിവസിപ്പിക്കുന്നതുമായി ബന്ധപ്പെട്ട്, ഉന്നതിയിലെ താമസക്കാരുമായി മന്ത്രി റോജി എം ജോണിന്റെ നേതൃത്വത്തില് വീണ്ടും ചര്ച്ചയ്ക്ക് നടത്തുമെന്നാണ് സൂചന.
