എത്തിഹാദിൽ ചെൽസിയെ ​ഗോളിൽ മുക്കി ഗണ്ണേഴ്സ്

ഇം​ഗ്ലീഷ് ക്ലബ്ബുകളുടെ സൂപ്പർ പോരാട്ടത്തിൽ നാണം കെട്ട് ചെൽസി. ആർസനലിന്റെ ഹോം മൈതാനത്ത് നടന്ന മത്സരത്തിൽ അഞ്ച് ​ഗോളിനാണ് പൊച്ചെട്ടീനോയും സംഘവും പരാജയപ്പെട്ടത്. ലിയാൻഡ്രോ ട്രൊസാർഡ് ഒന്നും കൈ ഹാവേർട്സ്, ബെൻ വൈറ്റ് എന്നിവർ രണ്ട് ​ഗോളുകളും നേടി. സൂപ്പർ താരം കോൾ പാർമർ ഇല്ലാതെയാണ് ചെൽസി കളിക്കാനിറങ്ങിയത്. 56 ശതമാനം നേരം പന്ത് കൈവശം വെച്ച ചെൽസിക്ക് പക്ഷെ ഒരു ​ഗോളവസരം മാത്രമാണ് സൃഷ്ടിക്കാനായത്. 27 ഷോട്ടെടുത്ത ആർസനലാകട്ടെ 10 ​ഗോളവസരങ്ങൾ നേടി. വൻ വിജയത്തോടെ ആർസനൽ പോയിന്റ് പട്ടികയിൽ 77 പോയിന്റുമായി ഒന്നാം സ്ഥാനത്തെ ലീഡ് മൂന്ന് പോയിന്റായി വർധിപ്പിച്ചു. ഒരു മത്സരം കുറച്ച് കളിച്ച ലിവർപൂൾ 74 പോയിന്റുമായി രണ്ടാം സ്ഥാനത്തും രണ്ട് മത്സരം കുറവ് കളിച്ച മാഞ്ചസ്റ്റർ സിറ്റി 73 പോയിന്റുമായി മൂന്നാം സ്ഥാനത്തുമാണ്.