കണ്ണൂര്‍ വളപ്പട്ടണത്ത് പൊലീസിനെ വെട്ടിച്ച് മുങ്ങിയ വധശ്രമക്കേസ് പ്രതി റോഷന്‍ പിടിയില്‍
പരീക്ഷകളില്‍ കുട്ടികള്‍ക്ക് വാരിക്കോരി മാര്‍ക്കു നല്‍കുന്നുവെന്ന അഭിപ്രായം ഔദ്യോഗികമല്ല : പൊതു വിദ്യാഭ്യാസ ഡയറക്ടര്‍
December 7, 2023
സ്ത്രീധനം തന്നാലെ തന്നെ വിവാഹം കഴിക്കൂ എന്ന് പറയുന്ന ആളോട് താന്‍ പോടോ എന്ന് പറയുന്ന കരുത്തിലേക്ക് പെണ്‍കുട്ടികള്‍ മാറണം : മുഖ്യമന്ത്രി
December 7, 2023
കണ്ണൂര്‍ : കണ്ണൂര്‍ വളപ്പട്ടണത്ത് പൊലീസിനെ വെട്ടിച്ച് മുങ്ങിയ വധശ്രമക്കേസ് പ്രതി റോഷന്‍ പിടിയില്‍. അയല്‍വാസിയെ കൊലപ്പെടുത്താന്‍ ശ്രമിച്ച റോഷനെ പിടികൂടാനായി നവംബര്‍ മൂന്നിന് വീട്ടിലെത്തിയ പൊലീസിന് നേരെ അന്ന് പ്രതിയുടെ പിതാവ് വെടിയുതിര്‍ത്തിരുന്നു. തലനാരിഴയ്ക്കാണ് പൊലീസുകാര്‍ രക്ഷപ്പെട്ടത്. അന്ന് അവിടെ വച്ച് രക്ഷപ്പെട്ട റോഷനെ പൊലീസ് എറണാകുളത്ത് വച്ച് പിടികൂടുകയായിരുന്നു.
അയല്‍വാസിയായ തമിഴ്‌നാട്ടുകാരെ പേപ്പര്‍ കട്ടര്‍ ഉപയോഗിച്ച് വധിക്കാന്‍ ശ്രമിച്ച കേസിലാണ് അന്ന് പ്രതിയെ പിടികൂടാനായി പൊലീസ് വീട്ടിലെത്തിയത്. അന്ന് പൊലീസുകാര്‍ക്ക് റോഷന്റെ പിതാവ് ബാബു ഉമ്മന്‍ വെടിയുതിര്‍ക്കുകയായിരുന്നു. പിന്നീട് പൊലീസ് ഇയാളെ സാഹസികമായി കീഴടക്കുകായയിരുന്നു. പൊലീസിന് മൂന്ന് റൗണ്ട് വെടിയുതിര്‍ക്കുന്നതിനിടെ പ്രതി റോഷന്‍ വീട്ടില്‍ നിന്ന് രക്ഷപ്പെട്ടു.
പിന്നീട് പ്രതിയെ പൊലീസിന് കണ്ടെത്താനായിരുന്നില്ല. പ്രതി സംസ്ഥാനം വിട്ടതായും പൊലീസ് അറിയിച്ചിരുന്നു. അതിനിടെ പ്രതി എറണാകുളത്ത് ഉണ്ടെന്ന് വളപ്പട്ടണം പൊലീസിന് രഹസ്യവിവരം ലഭിച്ചതിന്റെ അടിസ്ഥാനത്തില്‍ റോഷനെ അറസ്റ്റ് ചെയ്യുകയായിരുന്നു. പ്രതിയെ പൊലീസ് വളപ്പട്ടണത്ത് എത്തിച്ചു.
