വിഎസിനെതിരെ അധിക്ഷേപ പോസ്റ്റ് : അധ്യാപകന് കസ്റ്റഡിയില്; ജമാഅത്തെ ഇസ്ലാമി നേതാവിന്റെ മകനെതിരെ പരാതി
തിരുവനന്തപുരത്ത് അടിയന്തര ലാൻഡിങ് നടത്തിയ ബ്രിട്ടീഷ് യുദ്ധവിമാനം എഫ്-35ബി തിരികെ പറന്നു
July 22, 2025
ഗീത ഗോപിനാഥ് അന്താരാഷ്ട്ര നാണയ നിധി വിടുന്നു; ഹാർവാർഡിൽ പ്രൊഫസറായി മടക്കം
July 22, 2025
തിരുവനന്തപുരം : അന്തരിച്ച മുന് മുഖ്യമന്ത്രി വി എസ് അച്യുതാനന്ദനെ സാമൂഹിക മാധ്യമത്തിലൂടെ അധിക്ഷേപിച്ച അധ്യാപകന് അറസ്റ്റില്. നഗരൂര് നെടുംപറമ്പ് സ്വദേശി വി അനൂപിനെയാണ് നഗരൂര് പൊലീസ് കസ്റ്റഡിയിലെടുത്തത്. ആറ്റിങ്ങല് ഗവണ്മെന്റ് ഹയര്സെക്കന്ഡറി സ്കൂള് അധ്യാപകനാണ്.
വി എസ് അച്യുതാനന്ദന്റെ മരണ വാര്ത്ത അറിഞ്ഞതിന് പിന്നാലെയാണ്, അനൂപ് വിഎസിനെ അധിക്ഷേപിച്ചു കൊണ്ട് വാട്സാപ്പില് സ്റ്റാറ്റസ് ഇട്ടത്. വിഎസിനെതിരായ അധിക്ഷേപ പോസ്റ്റിനെതിരെ വ്യാപക പ്രതിഷേധം ഉയര്ന്നിരുന്നു.
വിഎസ് അച്യുതാനന്ദനെ സാമൂഹിക മാധ്യമത്തില് അധിക്ഷേപിച്ചെന്ന് കാട്ടി ജമാഅത്തെ ഇസ്ലാമി നേതാവിന്റെ മകനെതിരെയും പരാതി ഉയര്ന്നിട്ടുണ്ട്. വാണിയമ്പലം സ്വദേശി യാസീന് അഹമ്മദാണ് സാമൂഹിക മാധ്യമത്തിലൂടെ വിഎസിനെ അധിക്ഷേപിച്ചത്.
ജമാഅത്തെ ഇസ്ലാമിയുടെ രാഷ്ട്രീയമുഖമായ വെല്ഫെയര് പാര്ട്ടിയുടെ നേതാവ് ഹമീദ് വാണിയമ്പലത്തിന്റെ മകനാണ് യാസീന് അഹമ്മദ്. വിഎസിനെ വര്ഗീയവാദിയായി ചിത്രീകരിച്ചുകൊണ്ടുള്ളതാണ് പോസ്റ്റ്. ഡിവൈഎഫ്ഐയാണ് യാസീനെതിരെ മലപ്പുറം വണ്ടൂര് പോലീസില് പരാതി നല്കിയത്.
