എഐസിസിയിൽ അഴിച്ചുപണി

ന്യൂഡൽ​ഹി : കേരളത്തിന്റെ ചുമതലയിൽ നിന്നു എഐസിസി ജനറൽ സെക്രട്ടറി താരിഖ് അൻവറിനെ മാറ്റി. ദീപാ ദാസ് മുൻഷിക്കാണ് പകരം ചുമതല. 

സംഘടനാകാര്യ ജനറൽ സെക്രട്ടറിയായി കെസി വേണു​ഗോപാൽ തുടരും. രമേശ് ചെന്നിത്തലയ്ക്ക് മ​ഹാരാഷ്ട്രയുടെ ചുമതല നൽകി. സച്ചിൻ പൈലറ്റിനാണു ഛത്തീസ്​ഗഢിന്റെ ചുമതല. 

പ്രിയങ്ക ​ഗാന്ധി പ്രത്യേക ചുമതലയില്ലാത്ത ജനറൽ സെക്രട്ടറിയായി തുടരും. അവർക്കുള്ള ചുമതല സംബന്ധിച്ചു തീരുമാനം ആയിട്ടില്ല. കമ്യൂണിക്കേഷൻ വിഭാ​ഗത്തിന്റെ ചുമതലയിൽ ജയറാം രമേശ് തുടരും.