തമിഴ്‌നാട് എന്‍ഡിഎയില്‍ പൊട്ടിത്തെറി ; എഐഡിഎംകെ-ബിജെപി പോര് മുറുകുന്നു
ആവശ്യമുള്ള കാര്യങ്ങളില്‍ മുഖ്യമന്ത്രി പ്രതികരിക്കാറുണ്ട് : കാനം രാജേന്ദ്രന്‍
September 18, 2023
കരുവന്നൂർ ബാങ്ക് തട്ടിപ്പ് ; ഇഡി റെയ്ഡ് രാഷ്ട്രീയപ്രേരിതം : എം.വി.ഗോവിന്ദന്‍
September 18, 2023
ചെന്നൈ : തമിഴ്‌നാട് എന്‍ഡിഎയില്‍ പൊട്ടിത്തെറി. ബിജെപിയുമായി ഇനി സഖ്യമില്ലെന്ന് എഐഡിഎംകെ അറിയിച്ചു. ഇത് പാര്‍ട്ടിയുടെ തീരുമാനമാണെന്നും എഐഎഡിഎംകെ വക്താവ് പി.ജയകുമാര്‍ പ്രഖ്യാപിച്ചു.
ബിജെപി സംസ്ഥാന അധ്യക്ഷന്‍ കെ.അണ്ണാമലൈ തുടര്‍ച്ചയായി തങ്ങളെ അപമാനിക്കുകയാണെന്നും ഇനി ഇത് സഹിക്കേണ്ട കാര്യം തങ്ങള്‍ക്കില്ലെന്നും അദ്ദേഹം വ്യക്തമാക്കി. ബിജെപി സംസ്ഥാന അധ്യക്ഷന്‍ കെ.അണ്ണാമലൈയുടെ പ്രസ്താവനകളില്‍ പ്രതിഷേധിച്ചാണ് എഐഎഡിഎംകെയുടെ തീരുമാനം. എഐഡിഎംകെയുടെ പ്രധാനപ്പെട്ട നേതാവായ അണ്ണാദുരൈയ്‌ക്കെതിരെയാണ് ആദ്യം അണ്ണാമലൈ സംസാരിച്ചത്. ഇതിന് പിന്നാലെ എഐഡികെയുടെ നേതാവായിരുന്ന പി.വി.ഷണ്‍മുഖം മന്ത്രിയായിരുന്നപ്പോള്‍ വലിയ തട്ടിപ്പ് നടത്തിയെന്നും അണ്ണാമലൈ ആരോപിച്ചിരുന്നു.
ഇതോടെയാണ് എന്‍ഡിഎ സഖ്യം വിട്ടതായി എഐഡിഎംകെ അറിയിച്ചത്. ലോക്‌സഭാ തെരഞ്ഞെടുപ്പിന് മാസങ്ങള്‍ മാത്രം ശേഷിക്കെയാണ് എഐഎഡിഎംകെയുടെ നിര്‍ണായക പ്രഖ്യാപനം.
