തിരിച്ചടി തുടങ്ങി, ജാമ്യമില്ലാ വകുപ്പിൽ തമിഴ്നാട് ബിജെപി സംസ്ഥാന സെക്രട്ടറി അറസ്റ്റിൽ

ചെ​ന്നൈ: ത​മി​ഴ്നാ​ട്ടി​ലെ ബി​ജെ​പി സം​സ്ഥാ​ന സെ​ക്ര​ട്ട​റി എ​സ്.​ജി. സൂ​ര്യ​യെ പോ​ലീ​സ് അ​റ​സ്റ്റ് ചെ​യ്തു. മ​ധു​ര എം​പി സു ​വെ​ങ്കി​ടേ​ശി​നെ​ക്കു​റി​ച്ച് ട്വീ​റ്റ് ചെ​യ്ത​തി​ന്‍റെ പേ​രി​ലാ​ണ് ന​ട​പ​ടി.ചെ​ന്നൈ​യി​ൽ വ​ച്ച് മ​ധു​ര ജി​ല്ലാ സൈ​ബ​ർ ക്രൈം ​പോ​ലീ​സാ​ണ് സൂ​ര്യ​യെ അ​റ​സ്റ്റ് ചെ​യ്ത​ത്.

ജാ​മ്യ​മി​ല്ലാ വ​കു​പ്പു​ക​ൾ ചു​മ​ത്തി​യാ​ണ് അ​റ​സ്റ്റ് ചെ​യ്ത​തെ​ന്നാ​ണ് റി​പ്പോ​ർ​ട്ട്. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.തമിഴ്നാട് ബിജെപിയുടെ മികച്ച യുവനേതാക്കളിൽ ഒരാളാണ് സൂര്യ. ശുചീകരണ തൊഴിലാളിയുടെ മരണവുമായി ബന്ധപ്പെടുത്തി എംപിക്കെതിരെ ഇട്ട വിദ്വേഷ ട്വീറ്റാണ് അറസ്റ്റിനു വഴിവെച്ചത്. ഡിഎംകെയുടെ കൂട്ടാളികളായ കമ്മ്യൂണിസ്റ്റുകാർക്കെതിരെ ശബ്ദിച്ചു എന്ന കുറ്റം മാത്രമാണ് സൂര്യ ചെയ്തതെന്നു തമിഴ്നാട് ബിജെപി അധ്യക്ഷൻ അണ്ണാമലൈ പ്രതികരിച്ചു. 

നേരത്തെ, തമിഴ്നാട് മന്ത്രി സെന്തിൽ ബാലാജിയെ എൻഫോഴ്സ്മെന്‍റ് ഡയറക്ടറേറ്റ് അറസ്റ്റ് ചെയ്തിരുന്നു. ജാമ്യത്തിനായി അദ്ദേഹം കോടതിയെ സമീപിച്ചുവെങ്കിലും ജാമ്യം ലഭിച്ചില്ല. അദ്ദേഹത്തെ എട്ടുദിവസത്തെ കസ്റ്റഡിയിൽ വിട്ടു. സെന്തിൽ ബാലാജിയുടെ അറസ്റ്റ് കേന്ദ്രസർക്കാരിന്‍റെ പകപോക്കലാണെന്നാണ് തമിഴ്നാട് മുഖ്യമന്ത്രി എം.കെ. സ്റ്റാലിൻ പറഞ്ഞത്. ഇതിനു പിന്നാലെയാണ് ബിജെപിയുടെ സംസ്ഥാനതല നേതാവിനെ അറസ്റ്റ് ചെയ്തിരിക്കുന്നത്.