മാനന്തവാടിയില് നാലു വയസുകാരിയെ കാണാതായ സംഭവം; പ്രതി പിടിയില്
ആഗോള അയ്യപ്പ സംഗമം : ഫണ്ട് വിനിയോഗത്തില് അവ്യക്തത; ഓഡിറ്റ് റിപ്പോര്ട്ട് ഹൈക്കോടതിയില്
February 11, 2026
സംസ്ഥാനത്ത് ചൂട് കനക്കുന്നു; ഇടുക്കിയില് ഓറഞ്ച് അലര്ട്ട്
February 11, 2026
വയനാട് : വയനാട് മാനന്തവാടിയില് നാലു വയസുകാരിയെ കാണാതായ സംഭവം തട്ടിക്കൊണ്ടു പോകല് തന്നെയെന്ന് സ്ഥിരീകരണം. സംഭവത്തില് പ്രതി പടിഞ്ഞാറത്തറ സ്വദേശി ജിഹാസ് പൊലീസ് പിടിയിലായി. കോഴിക്കോട് റെയില്വേ സ്റ്റേഷനില് നിന്നാണ് ഇയാളെ പിടികൂടിയത്.
ശനിയാഴ്ച രാത്രിയാണ് വീട്ടില് കളിച്ചുകൊണ്ടിരിക്കുകയായിരുന്ന നാലുവയസുകാരിയെ കാണാതായത്. രാത്രി 7.50ന് പുലിക്കാട് ഭാഗത്തുനിന്ന് ഒരാള് ഇരുചക്ര വാഹനം ഓടിച്ച് പോകുന്നതിന്റെയും ബിജുവിന്റെ വീടിനു സമീപം നിര്ത്തുന്നതിന്റെയും അല്പസമയം കഴിഞ്ഞു കുട്ടിയുമായി പോകുന്നതിന്റെയും സിസിടിവി ദൃശ്യങ്ങള് ലഭിച്ചിരുന്നു.
ദൃശ്യങ്ങളുടെ അടസ്ഥാനത്തില് പൊലീസ് വ്യാപക തിരച്ചില് നടത്തുകയായിരുന്നു. പൊലീസ് മറ്റ് സ്റ്റേഷനുകളിലേക്ക് വിവരം കൈമാറി വാഹന പരിശോധന തുടങ്ങി. 2 മണിക്കൂറിന് ശേഷം രാത്രി പത്തോടെയാണു കിലോമീറ്ററുകള്ക്ക് അപ്പുറം തരുവണ പാലയാണ കക്കടവ് റോഡരികില് കുട്ടിയെ ഉപേക്ഷിച്ച നിലയില് കണ്ടത്. ദ്വാരകയില് നിന്ന് കിലോമീറ്ററുകള് അകലെയുള്ള സ്ഥലത്ത് കുട്ടി എങ്ങനെ എത്തിപ്പെട്ടുവെന്ന അന്വേഷണത്തിലായിരുന്നു പൊലീസ്. മാനന്തവാടി ഡിവൈഎസ്പിയുടെ നേതൃത്വത്തലുള്ള പ്രത്യേക സംഘമാണ് കേസ് അന്വേഷിച്ചത്.
