സത്യജിത് റേ ഫിലിം ഇന്‍സ്റ്റിറ്റ്യൂട്ട് അധ്യക്ഷ സ്ഥാനം ഏറ്റെടുക്കും സുരേഷ് ഗോപി 

തൃശൂര്‍ : സത്യജിത് റേ ഫിലിം ഇന്‍സ്റ്റിറ്റ്യൂട്ട് അധ്യക്ഷ സ്ഥാനം ഏറ്റെടുക്കുമെന്ന് സുരേഷ് ഗോപി. ഫെയ്‌സ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം അറിയിച്ചിരിക്കുന്നത്. തന്നെ അറിയിക്കാതെ ഫിലിം ഇന്‍സ്റ്റിറ്റ്യൂട്ട് അധ്യക്ഷ സ്ഥാനം നല്‍കിയതില്‍ സുരേഷ് ഗോപിക്ക് അതൃപ്തിയുണ്ടെന്നും സംസ്ഥാനത്തിന് പുറത്തേക്ക് തന്നെ മാറ്റാനുള്ള നീക്കത്തിന്റെ ഭാഗമായാണ് നടപടിയെന്ന് കരുതുന്നതായും വാര്‍ത്തകള്‍ പുറത്തുവന്നിരിന്നു.

ശമ്പളമില്ലാത്ത ജോലിയായിരിക്കും എന്നും രാഷ്ട്രീയ പ്രവര്‍ത്തകന്റെ എല്ലാ സ്വാതന്ത്ര്യവും തനിക്കുണ്ടായിരിക്കും എന്ന് 100 ശതമാനം ഉറപ്പു ലഭിച്ചതിന് ശേഷമാണ് സ്ഥാനം ഏറ്റെടുക്കുന്നതെന്ന് സുരേഷ് ഗോപി ഫെയ്‌സ്ബുക്ക് പോസ്റ്റില്‍ പറഞ്ഞു. 

സഹകരണ ബാങ്ക് തട്ടിപ്പുകള്‍ക്ക് എതിരെ ഗാന്ധി ജയന്തി ദിനത്തില്‍ തൃശൂരില്‍ പ്രഖ്യാപിച്ച ജാഥയ്ക്ക് മാറ്റമുണ്ടാകില്ലെന്നും സുരേഷ് ഗോപി അറിയിച്ചു.