രാഹുല് മാങ്കൂട്ടത്തില് കേസിലെ അതിജീവിതയെ അപമാനിച്ച അഡ്വ. ദീപയ്ക്ക് സുപ്രീം കോടതിയുടെ രൂക്ഷവിമര്ശനം
രാജ്യത്തെ അക്കാദമിക സ്വാതന്ത്ര്യം മുമ്പെങ്ങുമില്ലാത്തവിധം വെല്ലുവിളികള് നേരിടുന്നു : മന്ത്രി വി ശിവന്കുട്ടി
February 11, 2026
കോഴിക്കോട് വാഹനാപകടത്തിൽ സ്കൂട്ടർ യാത്രികനായ യുവാവ് മരിച്ചു
February 11, 2026
ന്യൂഡല്ഹി : രാഹുല് മാങ്കൂട്ടത്തില് എംഎല്എ പ്രതിയായ കേസിലെ അതിജീവിതയെ അപമാനിച്ച കേസിലെ പ്രതി അഡ്വ.ദീപ ജോസഫിന് സുപ്രീംകോടതിയുടെ രൂക്ഷവിമര്ശനം. ഒരു അഭിഭാഷക സോഷ്യല്മീഡിയയില് അധിക്ഷേപരമായ പോസ്റ്റ് ഇടാന് പാടുണ്ടോ?. ദീപ ജോസഫ് ഉപയോഗിച്ച വാക്കുകള് ഞെട്ടലുണ്ടാക്കിയെന്നും കോടതി പറഞ്ഞു.
‘പുരുഷനായിരുന്നെങ്കില് ഉടന് അറസ്റ്റു ചെയ്തേനെ. നിങ്ങളൊരു വനിതാ അഭിഭാഷക അല്ലേയെന്നും’ കോടതി ചോദിച്ചു. സൈബര് ആക്രമണത്തില് തനിക്കെതിരെ കേസെടുത്തത് ചോദ്യം ചെയ്ത് ദീപ ജോസഫ് നല്കിയ ഹര്ജി സുപ്രീംകോടതി തള്ളി.
രാഹുല് മാങ്കൂട്ടത്തിലില് കേസിലെ ആദ്യത്തെ അതിജീവിതയെ അപമാനിച്ചതിനാണ് പൊലീസ് ദീപയ്ക്കെതിരെ കേസെടുത്തത്. കേസ് പരിഗണിച്ചപ്പോള്, അഭിഭാഷകയായിട്ടും ഇങ്ങനെയുള്ള ഭാഷയാണോ ഉപയോഗിക്കുന്നതെന്ന് ചീഫ് ജസ്റ്റിസ് സൂര്യകാന്ത് ചോദിച്ചു. അപകീര്ത്തികരമായ പരാമര്ശങ്ങളോ, അതിജീവിതയുടെ പേരോ വെളിപ്പെടുത്തിയിട്ടില്ലെന്ന് ദീപ ജോസഫ് കോടതിയെ അറിയിച്ചു.
അതിജീവിതയുടെ ഭര്ത്താവ് പറഞ്ഞ കാര്യങ്ങളാണ് താന് പറഞ്ഞതെന്ന ദീപയുടെ വാദത്തില് ഭര്ത്താവ് പറഞ്ഞെങ്കിലും സമൂഹമാധ്യമത്തില് അതെല്ലാം എഴുതുന്നത് ശരിയായ രീതിയാണോ എന്നാണ് കോടതി ചോദിച്ചത്. പുരുഷനായിരുന്നെങ്കില് അറസ്റ്റിനു നിര്ദേശം നല്കുമായിരുന്നു. സ്ത്രീയെന്ന പരിഗണന നല്കിയാണ് നടപടിയെടുക്കാത്തതെന്നും കോടതി പറഞ്ഞു.
