കണ്ണൂരില് കോണ്ഗ്രസ് സമര സംഗമ പരിപാടിയില് സുധാകര വിഭാഗത്തിന്റെ പ്രതിഷേധം
നിമിഷ പ്രിയ കേസ് : ഇടപെടുന്നതില് പരിമിതിയുണ്ടെന്ന് സുപ്രീം കോടതിയില് കേന്ദ്രസര്ക്കാര്
July 14, 2025
ലഫ്റ്റന്റ് ഗവര്ണറുടെ വിലക്ക് മറികടന്ന് മതില് ചാടിക്കടന്ന് രക്തസാക്ഷി സ്മാരകത്തില് പുഷ്പാര്ച്ച നടത്തി ജമ്മുകശ്മീര് മുഖ്യമന്ത്രി
July 14, 2025
കണ്ണൂര് : കണ്ണൂരില് കോണ്ഗ്രസ് സമര സംഗമ പരിപാടിയില് സുധാകര വിഭാഗത്തിന്റെ പ്രതിഷേധം. പരിപാടി നടക്കുന്നതിന് തൊട്ടുമുമ്പ് വേദിക്ക് പുറത്ത് സുധാകരന്റെ കൂറ്റന് ബോര്ഡും പ്രവര്ത്തകര് സ്ഥാപിച്ചിരുന്നു. പരിപാടിയുടെ പോസ്റ്ററില് സുധാകരന്റെ ഫോട്ടോ ഇല്ലാത്തതിനെതിരെ സുധാകര അനുകൂല മുദ്രാവാക്യം മുഴക്കി നേരത്തെ പ്രതിഷേധം ഉയര്ന്നിരുന്നു.
കെപിസിസി ആഹ്വാനപ്രകാരം കണ്ണൂര് ഡിസിസി നടത്തിയ സമരസംഗമം പരിപാടിയിലാണ് സുധാകര അനുകൂലികള് പ്രതിഷേധിച്ചത്. ചരിത്രത്തിലാദ്യമായാണ് കെ സുധാകരന് പങ്കെടുക്കാതെ കണ്ണൂരില് ഒരു കോണ്ഗ്രസ് പൊതുപരിപാടി നടക്കുന്നത്. കൊച്ചിയില് ചികിത്സയിലായിരുന്ന കെ സുധാകരന് ഇപ്പോള് ഡല്ഹിയിലാണുള്ളത്.
കെപിസി അധ്യക്ഷന് സണ്ണി ജോസഫ്, യുഡിഎഫ് കണ്വീനര് അടൂര് പ്രകാശ്, രാജ് മോഹന് ഉണ്ണിത്താന് തുടങ്ങിയ നേതാകളൊക്കെ സംഗമ നഗരയിലേക്ക് കടന്നു വരുമ്പോള് കണ്ണൂരിലൊന്നേ നേതാവുള്ളുവെന്നും അത് സുധാകരനാണെന്നതുള്പ്പെടെയുള്ള മുദ്രാവാക്യം വിളികളുയര്ന്നിരുന്നു.
