തിരുവനന്തപുരത്തെ എന്ജിനീയറിങ് കോളജില് മദ്യപ സംഘത്തിന്റെ ആക്രമണം; വിദ്യാര്ഥിയുടെ കാഴ്ച നഷ്ടപ്പെട്ടു
ജൂണ് 9ന് കാലാവധി തീരുന്ന എസ്ഐ റാങ്ക് പട്ടികയിലുള്ളവര്ക്ക് ഉടന് നിയമന ഉത്തരവ് നല്കാന് ആഭ്യന്തരമന്ത്രിയുടെ നിര്ദേശം
May 30, 2026
‘നവകേരളാ രക്ഷാപ്രവര്ത്തനം’; ഗണ്മാന്മാര്ക്കെതിരെ വധശ്രമക്കുറ്റം ചുമത്തി എസ്ഐടി റിപ്പോര്ട്ട്
May 30, 2026
തിരുവനന്തപുരം : എഞ്ചിനീയറിങ് കോളജില് ആനുവല് ഡേ ആഘോഷത്തിനിടെ മദ്യപസംഘത്തിന്റെ ആക്രമണത്തില് വിദ്യാര്ഥിയുടെ ഒരു കണ്ണിന്റെ കാഴ്ച നഷ്ടപ്പെട്ടു. വെഞ്ഞാറമൂട് എംഎ എഞ്ചിനീയറിങ് കോളജിലാണ് കഴിഞ്ഞ ഞായറാഴ്ച ക്രൂരമായ ആക്രമണമുണ്ടായത്. കോളജിലെ വിദ്യാര്ഥിയും ചെങ്കോട്ടുകോണം സ്വദേശിയുമായ അല് അമീനാണ് (20) മര്ദനമേറ്റത്. ആക്രമണത്തില് അല് അമീന്റെ ഇടതു കണ്ണിന്റെ റെറ്റിന തകര്ന്നു.
കഴിഞ്ഞ ഞായറാഴ്ച കോളജ് വാര്ഷികാഘോഷ പരിപാടിക്കിടെ പുറത്തുനിന്നെത്തിയ മദ്യപസംഘം വിദ്യാര്ഥികളുമായി തര്ക്കത്തില് ഏര്പ്പെട്ടു. തുടര്ന്ന് മദ്യപസംഘം വിദ്യാര്ഥികളെ മര്ദിച്ചത്. കൂര്ത്ത വള ഉപയോഗിച്ച് വിദ്യാര്ഥിയുടെ മുഖത്ത് ഇടിക്കുന്ന ദൃശ്യങ്ങള് പുറത്തുവന്നിട്ടുണ്ട്. ഇടതു കണ്ണിനു ഗുരുതരമായി പരിക്കേറ്റ അല് അമീനെ കൂട്ടുകാര് ചേര്ന്നാണ് ആശുപത്രിയില് എത്തിച്ചത്. തുടര്ന്ന് ശസ്ത്രക്രിയ നടത്തി.
സംഭവത്തില് ദൃശ്യങ്ങള് ഉള്പ്പെടെ ലഭിച്ചിട്ടും ഇതുവരെ പ്രതികളെ പൊലീസ് പിടികൂടിയില്ലെന്ന ആക്ഷേപം ഉയര്ന്നിട്ടുണ്ട്. ശിവജിത്ത്, നിതിന്, കാശിനാഥ്, കണ്ടാല് അറിയാവുന്ന നാലു പേര് എന്നിവര്ക്കെതിരെയാണ് കേസെടുത്തിരിക്കുന്നത്.
