കണ്ണുരില് സ്കൂട്ടറും ബൈക്കും കുട്ടിയിട്ടിച്ച് വിദ്യാര്ഥിക്ക് ദാരുണാന്ത്യം
വാഹനാപകടത്തില്പ്പെട്ട യുവതിക്ക് നേരെയുണ്ടായ ലൈംഗികാതിക്രമ കേസ് അന്വേഷണത്തില് പൊലീസിന് വീഴ്ച പറ്റിയിട്ടില്ല : ആലപ്പുഴ എസ്പി
April 13, 2026
കോണ്ഗ്രസ് വിട്ട എന്എസ് നുസൂര് സിപിഎമ്മില് ചേര്ന്നു
April 13, 2026
കണ്ണൂര് : സ്കൂട്ടറും ബൈക്കും കൂട്ടിയിടിച്ചുണ്ടായ അപകടത്തില് വിദ്യാര്ഥിക്ക് ദാരുണാന്ത്യം. കണ്ണൂര് ചേലേരി നൂഞ്ഞേരിയിലെ സഫവില്ലയില് മുഹമ്മദ് സൂഫിയാന് (19) ആണ് മരിച്ചത്. കണ്ണൂര് കോളേജ് ഓഫ് കൊമേഴ്സിലെ ഡിഗ്രി വിദ്യാര്ഥിയാണ് സൂഫിയാന്.
ഇന്ന് രാവിലെ ഒമ്പത് മണിയോടെ കണ്ണാടിപ്പറമ്പ് ഗവ. സ്കൂളിന് സമീപത്തായിരുന്നു അപകടം. എതിര് ദിശയില് വന്ന സ്കൂട്ടറുമായി സൂഫിയാന് സഞ്ചരിച്ച ബൈക്ക് കൂട്ടിയിടിക്കുകയായിരുന്നു. അപടത്തില് റോഡരികിലെ ഇരുമ്പ് കൈവരിയില് തലയിടിച്ചതാണ് മരണത്തിന് ഇടയാക്കിയത്. മയ്യില് പൊലീസ് ഇന്ക്വസ്റ്റ് നടപടികള് പൂര്ത്തിയാക്കി മൃതദേഹം പോസ്റ്റുമോര്ട്ടത്തിനായി കണ്ണൂര് മെഡിക്കല് കോളേജ് ആശുപത്രി മോര്ച്ചറിയിലേക്ക് മാറ്റി. മുഹമ്മദ് കുഞ്ഞി മൗലവിയുടെയുടെയും ജുവൈരിയയുടെയും മകനാണ് മരിച്ച സൂഫിയാന്. സഹോദരന്: മുഹമ്മദ് സിനാന്.
