തെരുവുനായയുടെ ആക്രമണത്തിൽ കൊല്ലപ്പെട്ട നിഹാലിന്റെ വീടിനടുത്ത് വീണ്ടും തെരുവുനായ ആക്രമണം, മൂന്നാംക്ലാസുകാരിക്ക് പരിക്ക്

കണ്ണൂർ :തെരുവുനായയുടെ ആക്രമണത്തിൽ കൊല്ലപ്പെട്ട നിഹാലിന്റെ വീടിനടുത്ത് വീണ്ടും തെരുവുനായ ആക്രമണം.  ​ പാച്ചാക്കരയിലെ മൂന്നാം ക്ലാ​സു​കാ​രിയായ ജാൻവിക്കാണ്  തെ​രു​വു​നാ​യ​യു​ടെ ആ​ക്ര​മ​ണ​ത്തി​ൽ കാ​ലി​നും കൈ​യ്ക്കും പ​രി​ക്കേ​റ്റത് . മൂ​ന്ന് നാ​യ്ക്ക​ളാ​ണ് കു​ട്ടി​യെ ആ​ക്ര​മി​ച്ച​ത്.

എ​ട​ക്കാ​ട് റെ​യി​ൽ​വേ സ്റ്റേ​ഷ​നു സ​മീ​പ​ത്തു​ള്ള വീ​ടി​ന്‍റെ മ​തി​ലി​നു​ള്ളി​ൽ വ​ച്ചാ​ണ് തെ​രു​വ് നാ​യ്ക്ക​ൾ കു​ട്ടി​യെ അ​ക്ര​മി​ച്ച​ത്. കു​ട്ടി​യെ ക​ണ്ണൂ​ർ ചാ​ല​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. വീടിന്റെ മുറ്റത്തുനിന്ന് കളിക്കുകയായിരുന്ന കുട്ടിയെ നായ കടിച്ചെടുത്ത് കൊണ്ടുപോകാനുള്ള ശ്രമവും നടത്തിയതായി ദൃക്സാക്ഷികൾ പറഞ്ഞു. നിലത്തു വീണ കുട്ടിയെ മൂന്നു തെരുവുനായ്ക്കൾ ചേർന്ന് കടിച്ചുപരിക്കേൽപിക്കുകയായിരുന്നു. കുട്ടിയുടെ കരച്ചിൽ കേട്ട് ആളുകൾ എത്തിയതോടെയാണ് തെരുവുനായ്ക്കൾ പോയത്. കുട്ടിയുടെ തലയ്ക്കും വയറിലും തുടയിലും കൈയിലും ആഴത്തിൽ മുറിവുണ്ട്.

ക​ഴി​ഞ്ഞ ദി​വ​സം തെ​രു​വു​നാ​യ​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട നി​ഹാ​ലി​ന്‍റെ വീ​ട്ടി​ൽ​നി​ന്നും 200 മീ​റ്റ​ർ അ​ക​ലെ​യാ​ണ് പു​തി​യ സം​ഭ​വം. ഏതാനും ദിവസം മുൻപാണ് മുഴുപ്പിലങ്ങാട് തെരുവുനായയുടെ ആക്രമണത്തിൽ പത്തുവയസ്സുകാരൻ നിഹാൽ മരിച്ചത്. തുടർന്ന് മുഴുപ്പിലങ്ങാട് പ്രദേശത്തുനിന്ന് 31 തെരുവുനായ്ക്കളെ പിടികൂടി. തന്റെ മകനുണ്ടായ അനുഭവം ഇനി മറ്റൊരാൾക്കും വരാതിരിക്കാൻ അക്രമകാരികളായ തെരുവുനായ്ക്കളെ ഇല്ലായ്മ ചെയ്യാനുള്ള നടപടി വേണമെന്ന് മരിച്ച നിഹാലിന്റെ പിതാവ് നൗഷാദ് ആവശ്യപ്പെട്ടിരുന്നു.