എ​സ്എ​സ്എ​ല്‍​സി ഫ​ലം ഈ ​മാ​സം 20ന് , ഹ​യ​ര്‍ സെ​ക്ക​ന്‍​ഡ​റി ഫ​ലം 25ന്

തി​രു​വ​ന​ന്ത​പു​രം: എ​സ്എ​സ്എ​ല്‍​സി ഫ​ലം ഈ ​മാ​സം 20ന് ​പ്ര​സി​ദ്ധീ​ക​രി​ക്കു​മെ​ന്ന് വി​ദ്യാ​ഭ്യാ​സ മ​ന്ത്രി വി.​ശി​വ​ന്‍​കു​ട്ടി അ​റി​യി​ച്ചു. ഹ​യ​ര്‍ സെ​ക്ക​ന്‍​ഡ​റി ഫ​ലം 25നാ​ണ് ഹ​യ​ര്‍ സെ​ക്ക​ന്‍​ഡ​റി ഫ​ലം പു​റ​ത്തു​വ​രി​ക. ഇ​ത്ത​വ​ണ 5,42,960 വി​ദ്യാ​ര്‍​ഥി​ക​ളാ​ണ് എ​സ്എ​സ്എ​ല്‍​സി പ​രീ​ക്ഷ എ​ഴു​തി​യ​ത്. 4,42,067 വി​ദ്യാ​ര്‍​ഥി​ക​ളാ​ണ് പ്ല​സ് ടു ​പ​രീ​ക്ഷ എ​ഴു​തി​യ​ത്.

മെയ്‌ 23ന് 96 പുതിയ സ്‌കൂൾ കെട്ടിടങ്ങൾ ഉദ്ഘാടനം ചെയ്യുമെന്ന് മന്ത്രി പറഞ്ഞു. കണ്ണൂർ ധർമ്മടം ജിഎച്ച്എസ്എസ് മുഴപ്പിലങ്ങാട് വെച്ചാണ് സംസ്ഥാന തല ഉദ്ഘാടന ചടങ്ങ് നടക്കുന്നത്. മുഖ്യമന്ത്രി പിണറായി വിജയൻ ഉദ്ഘാടനം നിർവഹിക്കും. 142 കോടി രൂപ ചിലവിലാണ് കെട്ടിടങ്ങൾ നിർമിക്കുന്നത്. ഈ ചടങ്ങിൽ വച്ച് 30 ലക്ഷം രൂപ ചിലവിൽ നിർമിച്ച മൂന്ന് ടിങ്കറിംഗ് ലാബുകൾ കൂടി ഉദ്ഘാടനം ചെയ്യുമെന്ന് മന്ത്രി അറിയിച്ചു.

11 പുതിയ സ്‌കൂൾ കെട്ടിടങ്ങൾക്ക് കൂടി തറക്കല്ലിടും. പുതിയ കെട്ടിടങ്ങൾക്കായി ചെലവാകുന്ന തുക 32 കോടി 50 ലക്ഷം രൂപയാണ്. 176 കോടിയുടെ പദ്ധതികൾ ആണ് മെയ്‌ 23 ന് ഉദ്ഘാടനം ചെയ്യപ്പെടുന്നത്. ഇതുവരെ കിഫ്‌ബി ഫണ്ടിൽ മാത്രം അഞ്ചു കോടി രൂപ നിരക്കിൽ 126 സ്‌കൂൾ കെട്ടിടങ്ങളും മൂന്നു കോടി രൂപ നിരക്കിൽ 153  സ്‌കൂൾ കെട്ടിടങ്ങളും  ഒരു കോടി രൂപ നിരക്കിൽ 98 സ്‌കൂൾ കെട്ടിടങ്ങളും പൂർത്തിയാക്കിയിട്ടുണ്ട്. ഇതിനു പുറമേയാണ് 96 സ്‌കൂൾ കെട്ടിടങ്ങൾ ഉദ്ഘാടനം ചെയ്യപ്പെടുന്നതും 11 സ്‌കൂൾ കെട്ടിടങ്ങൾക്ക് തറക്കല്ലിടുന്നതും.  മന്ത്രി പറഞ്ഞു.