ശ്രീനഗർ : ജമ്മു കാഷ്മീരിലെ രജൗരിയിൽ ഭീകരരുമായി ഉണ്ടായ ഏറ്റുമുട്ടലിൽ സൈനികന് വീരമൃത്യു. ഒരു ഭീകരനെ വധിച്ചതായും ഒരു പോലീസ് ഉദ്യോഗസ്ഥനുൾപ്പെടെ മൂന്ന് സേനാംഗങ്ങൾക്ക് പരിക്കേറ്റെന്നും അധികൃതർ അറിയിച്ചു.
നർല മേഖലയിൽ സൈന്യവും കാഷ്മീർ പോലീസും നടത്തിയ “ഓപ്പറേഷൻ സുജാലിഗല’ തെരച്ചിലിനിടെയാണ് വെടിവയ്പ് ഉണ്ടായത്.
ഇതിനിടെ, വെടിവയ്പ്പിൽ അകപ്പെട്ട് സൈന്യത്തിന്റെ ആറ് വയസുകാരനായ “കെന്റ്’ എന്ന നായ ചത്തതായി അധികൃതർ അറിയിച്ചു. ഭീകരരെ പിന്തുടരുന്നതിനിടെയാണ് ലാബ്രഡോർ ഇനത്തിൽപ്പെട്ട നായയ്ക്ക് വെടിയേറ്റത്. തന്റെ ഹാൻഡ്ലറായ സൈനികനെ സംരക്ഷിക്കാൻ ശ്രമിക്കുന്നതിനിടെയാണ് കെന്റിന് വെടിയേറ്റതെന്ന് അധികൃതർ വ്യക്തമാക്കി.