എ​സ്എ​ന്‍​സി ലാ​വ​ലി​ന്‍ കേ​സ് ഇ​ന്ന് വീ​ണ്ടും സു​പ്രീം​കോ​ട​തിയിൽ

ന്യൂ​ഡ​ല്‍​ഹി: എ​സ്എ​ന്‍​സി ലാ​വ​ലി​ന്‍ കേ​സ് സു​പ്രീം​കോ​ട​തി ഇ​ന്ന് വീ​ണ്ടും പ​രി​ഗ​ണി​ക്കും. ജ​സ്റ്റി​സ് സൂ​ര്യ​കാ​ന്ത് അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ചാ​ണ് കേ​സ് പ​രി​ഗ​ണി​ക്കു​ന്ന​ത്. ജ​സ്റ്റി​സ് ദീ​പാ​ങ്ക​ര്‍ ദ​ത്ത, ജ​സ്റ്റി​സ് ഉ​ജ്ജ​ല്‍ ഭു​വി​യാ​ന്‍ എ​ന്നി​വ​രാ​ണ് ബെ​ഞ്ചി​ലെ മ​റ്റ് അം​ഗ​ങ്ങ​ള്‍.

2017ല്‍ ​ സു​പ്രീം​കോ​ട​തി​യി​ലെ​ത്തി​യ കേ​സ് ക​ഴി​ഞ്ഞ ആ​റ് വ​ര്‍​ഷ​ത്തി​നി​ടെ നാ​ല് ബെ​ഞ്ചു​ക​ളി​ലാ​യി 35 ത​വ​ണ​യാ​ണ് ലി​സ്റ്റ് ചെ​യ്യ​പ്പെ​ട്ട​തെ​ങ്കി​ലും കോ​ട​തി പ​രി​ഗ​ണി​ച്ചി​ല്ല. ഇ​ക്ക​ഴി​ഞ്ഞ ഒ​ക്ടോ​ബ​ര്‍ പ​ത്തി​നും കേ​സ് ലി​സ്റ്റ് ചെ​യ്തി​രു​ന്നെ​ങ്കി​ലും ഫ​ലം മ​റ്റൊ​ന്നാ​യി​രു​ന്നി​ല്ല.  സമയം ആവശ്യയപ്പെട്ടു സിബിഐ നൽകുന്ന അപേക്ഷകളാണ് കേസ് വൈകിപ്പിക്കുന്നത്.

പ​ന്നി​യാ​ര്‍, ചെ​ങ്കു​ളം, പ​ള്ളി​വാ​സ​ല്‍ ജ​ല​വൈ​ദ്യു​ത പ​ദ്ധ​തി​ക​ളു​ടെ ന​വീ​ക​ര​ണ​ത്തി​ന് കാ​ന​ഡ​യി​ലെ എ​സ്എ​ന്‍​സി ലാ​വ​ലി​ന്‍ ക​മ്പ​നി​യു​മാ​യി ക​രാ​റു​ണ്ടാ​ക്കി​യ​തി​ല്‍ ക്ര​മ​ക്കേ​ടു​ണ്ടാ​യെ​ന്നും ഇ​തു​വ​ഴി 86.25 കോ​ടി​യു​ടെ ന​ഷ്ടം സം​ഭ​വി​ച്ചു​വെ​ന്നു​മാ​ണ് കേ​സ്. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍, ഊ​ര്‍​ജ​വ​കു​പ്പ് സെ​ക്ര​ട്ട​റി കെ. ​മോ​ഹ​ന​ച​ന്ദ്ര​ന്‍, ജോ​യി​ന്‍റ് സെ​ക്ര​ട്ട​റി എ. ​ഫ്രാ​ന്‍​സി​സ് എ​ന്നി​വ​രെ കു​റ്റ​വി​മു​ക്ത​രാ​ക്കി​യ 2017ലെ ​ഹൈ​ക്കോ​ട​തി വി​ധി​ക്കെ​തി​രേ സി​ബി​ഐ സ​മ​ര്‍​പ്പി​ച്ച ഹ​ര്‍​ജി​യാ​ണ് സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലു​ള്ള ഒ​രു കേ​സ്. വി​ചാ​ര​ണ നേ​രി​ടേ​ണ്ട വൈ​ദ്യു​തി​ബോ​ര്‍​ഡ് മു​ന്‍ സാ​മ്പ​ത്തി​ക ഉ​പ​ദേ​ഷ്ടാ​വ് കെ. ​ജി. രാ​ജ​ശേ​ഖ​ര​ന്‍ നാ​യ​ര്‍, ബോ​ര്‍​ഡ് മു​ന്‍ ചെ​യ​ര്‍​മാ​ന്‍ ആ​ര്‍. ശി​വ​ദാ​സ​ന്‍, മു​ന്‍ ചീ​ഫ് എ​ഞ്ചിനീ​യ​ര്‍ ക​സ്തൂ​രി​രം​ഗ അ​യ്യ​ര്‍ എ​ന്നി​വ​ര്‍ ഇ​ള​വു വേ​ണ​മെ​ന്ന് ആ​വ​ശ്യ​പ്പെ​ടു​ന്ന ഹ​ര്‍​ജി​ക​ളും സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലു​ണ്ട്.