സിദ്ധാർത്ഥിന് നീതി കിട്ടുമോ എന്ന് സംശയമുണ്ടെന്ന് അച്ഛൻ

തി​രു​വ​ന​ന്ത​പു​രം: പൂ​ക്കോ​ട് വെ​റ്റി​ന​റി കോ​ള​ജി​ല്‍ സീ​നി​യ​ര്‍ വി​ദ്യാ​ര്‍​ഥി​ക​ളു​ടെ ക്രൂരമ​ര്‍​ദ​ന​ത്തി​ന് പി​ന്നാ​ലെ ജീ​വ​നൊ​ടു​ക്കി​യ സി​ദ്ധാ​ര്‍​ഥ​ന് നീ​തി കി​ട്ടു​മോ എ​ന്ന് സം​ശ​യി​ക്കു​ന്ന​താ​യി കൂടുംബം. കേ​സി​ലെ തെ​ളി​വു​ക​ള്‍ തേ​ച്ചുമാ​യ്ച്ചു ക​ള​യാ​നു​ള്ള ശ്ര​മം ന​ട​ക്കു​ന്നു. സ​സ്‌​പെ​ന്‍​ഷ​നി​ലാ​യ​യി​രു​ന്ന വി​ദ്യാ​ര്‍​ഥി​ക​ളെ തി​രി​ച്ചെ​ടു​ത്ത​ത് ഇ​തി​ന്‍റെ ഭാ​ഗ​മാ​ണെ​ന്നും അ​ച്ഛ​ന്‍ ജ​യ​പ്ര​കാ​ശ് ആ​രോ​പി​ച്ചു.

പെ​ട്ട​ന്ന് സി​ബി​ഐ അ​ന്വേ​ഷ​ണം പ്ര​ഖ്യാ​പി​ച്ച​തി​ലും സം​ശ​യ​മു​ണ്ട്. അ​ന്വേ​ഷ​ണം പ്ര​ഖ്യാ​പി​ച്ച​ത് പ്ര​തി​ഷേ​ധ​ങ്ങ​ളു​ടെ വാ​മൂ​ടി കെ​ട്ടാ​നാ​ണെ​ന്ന് സം​ശ​യി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു. ആ​ന്‍റി റാ​ഗിം​ഗ് സ്‌​ക്വാ​ഡ് ക​ണ്ടെ​ത്തി​യ പ്ര​തി​ക​ളെ​യാ​ണ് ഇ​പ്പോ​ള്‍ കോ​ള​ജി​ലേ​ക്ക് തി​രി​ച്ചെ​ടു​ത്തി​രി​ക്കു​ന്ന​ത്. കേ​സ് തേ​ച്ച് മാ​യ്ക്കാ​നു​ള​ള ശ്ര​മ​ത്തി​ന്‍റെ ഭാ​ഗ​മാ​ണി​ത്. വി​സി​യു​ടെ തീ​രു​മാ​ന​ങ്ങ​ള്‍​ക്കെ​തി​രേ ഗ​വ​ര്‍​ണ​റെ സ​മീ​പി​ക്കു​മെ​ന്നും ജ​യ​പ്ര​കാ​ശ് വ്യ​ക്ത​മാ​ക്കി.ക​ഴി​ഞ്ഞ ഫെ​ബ്രു​വ​രി 18-നാ​ണ് നെ​ടു​മ​ങ്ങാ​ട് സ്വ​ദേ​ശി​യാ​യ സി​ദ്ധാ​ര്‍​ഥ​നെ ക്യാ​മ്പ​സി​ലെ ഹോ​സ്റ്റ​ല്‍ ശു​ചി​മു​റി​യി​ല്‍ തൂ​ങ്ങി​മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. ആ​ദ്യ​ഘ​ട്ട​ത്തി​ല്‍, സി​ദ്ധാ​ര്‍​ഥാന്‍റേത് ആ​ത്മ​ഹ​ത്യ ആ​ണെ​ന്നാണ് കോ​ള​ജ് അ​ധി​കൃ​ത​ര്‍ വി​ശ​ദീ​ക​രി​ച്ച​ത്. എ​ന്നാ​ല്‍ മ​ര​ണ​ത്തി​ല്‍ ദു​രൂ​ഹ​ത ആ​രോ​പി​ച്ച് സി​ദ്ധാ​ര്‍​ഥ​ന്‍റെ കു​ടും​ബം രം​ഗ​ത്തെ​ത്തി​യി​രു​ന്നു. തു​ട​ര്‍​ന്ന് ന​ട​ത്തി​യ അ​ന്വേ​ഷ​ണ​ത്തി​ല്‍ റാ​ഗിം​ഗും ക്രൂ​ര​മ​ര്‍​ദ​ന​വും ന​ട​ന്ന വി​വ​രം പു​റ​ത്തു വ​ന്നി​രു​ന്നു. പ്ര​ക്ഷോ​ഭ​ങ്ങ​ള്‍​ക്കൊ​ടു​വി​ല്‍ സി​ദ്ധാ​ര്‍​ഥന്‍റെ വീ​ട് മു​ഖ്യ​മ​ന്ത്രി സ​ന്ദ​ര്‍​ശി​ച്ചി​രു​ന്നു. ഈ ​മാ​സം ഒ​മ്പ​തി​നാ​ണ് സി​ബി​ഐ അ​ന്വേ​ഷ​ണം പ്ര​ഖ്യാ​പി​ച്ച​ത്.