അമൃത ആശുപത്രിയിൽ ഷോൾഡർ സർജറി ശില്പശാല സംഘടിപ്പിച്ചു

കൊച്ചി: അമൃത ആശുപത്രിയിലെ ഓർത്തോപീഡിക്സ് വിഭാഗത്തിന്റെ ആഭിമുഖ്യത്തിലാണ് ഏകദിന കഡാവറിക് ശില്പശാല നടത്തിയത്.തോൾ സന്ധി മാറ്റിവയ്ക്കുന്നതിനുള്ള ശസ്ത്രക്രിയാ രീതിയായ റിവേഴ്സ് ഷോൾഡർ ആർത്രോ പ്ലാസ്റ്റിയിലും , തോൾ സന്ധിയിലെ തകരാറുകൾ പരിഹരിക്കുന്ന സബക്രോമിയൽ ബലൂൺ സ്പേസർ സർജറിയിലും ഇരുപതോളം ഓർത്തോപീഡിക് സർജൻമാർ പ്രായോഗിക പരിശീലനം നേടി. സീനിയർ മെഡിക്കൽ അഡ്മിനിസ്ട്രേറ്റർ ഡോ. പ്രതാപൻ നായർ ശിൽപശാല ഉദ്ഘാടനം ചെയ്തു. ഡോ. താടി മോഹൻ, ഡോ. പ്രിൻസ് ഷാനവാസ്‌ ഖാൻ, ഡോ. ബാലു സി ബാബു, കാർത്തിക് എന്നിവർ ക്‌ളാസുകൾക്ക് നേതൃത്വം നൽകി.