മൈതാനത്ത് ട്രൗസറിട്ട് കളിക്കുന്നവരെ  ഉപയോഗിച്ചാണ് തനിക്കെതിരെ പടയൊരുക്കം നടത്തുന്നത് : ശോഭ സുരേന്ദ്രൻ

കോ​ഴി​ക്കോ​ട്: താൻ പാർട്ടിയുടെ ഒരു അച്ചടക്കവും ലംഘിച്ചിട്ടില്ലെന്ന് ബിജെപി നേതാവ് ശോഭാ സുരേന്ദ്രൻ. പാർട്ടിയുടെ ഭാഗമാക്കാതിരിക്കനാണ് ശ്രമമെങ്കിൽ ആ വെള്ളം വാങ്ങിവെക്കണം. താൻ അച്ചടക്കം ലംഘിച്ചെന്ന് പറയുന്ന സുധീറിനെ അറിയില്ല. ട്രൗസറിട്ട് നടന്നവരെ ഉപയോഗിച്ചാണ് തനിക്കെതിരെ പടയൊരുക്കം നടത്തുന്നത്. ബൂത്ത്തല പ്രവർത്തകർക്കൊപ്പം ഇനി മുന്നോട്ട് പോകുമെന്നും ശോഭ സുരേന്ദ്രൻ വ്യക്തമാക്കി. കോ​ഴി​ക്കോ​ട് മ​ത്സ്യ​തൊ​ഴിലാ​ളി​ക​ളു​ടെ രാ​പ്പ​ക​ല്‍ സ​മ​രം ഉ​ദ്ഘാ​ട​നം ചെ​യ്യാ​നെ​ത്തി​യ​പ്പോ​ഴാ​ണ് പ്ര​തി​ക​ര​ണം.

‘ബിജെപി എന്റെ കൂടി പാർട്ടിയാണ്. വഴിയിൽ തടസ്സങ്ങൾ ഉണ്ടെങ്കിൽ അത് തട്ടി നീക്കി മുന്നോട്ടു പോകും. ട്രൗസർ ഇട്ട് മൈതാനത്ത് കളിക്കുന്ന കുട്ടികളെ ഉപയോഗിച്ച് തനിക്കെതിരെ പ്രചരണം നടത്തുകയാണ്. ഇതിനോട് കൂടുതൽ പ്രതികരിക്കേണ്ട കാര്യമില്ല’. ഏതെങ്കിലും രീതിയിൽ താൻ പാർട്ടി അച്ചടക്കം ലംഘിച്ചിട്ടില്ലെന്നും ശോഭ സുരേന്ദ്രൻ പറഞ്ഞു.നേ​തൃ​ത്വ​ത്തി​നെ​തി​രെ താ​ന്‍ എ​ന്താ​ണ് പ​റ​ഞ്ഞ​ത്. കേ​ര​ള​ത്തി​ന്‍റെ അ​ഴി​മ​തി​യു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളാ​ണ് താ​ന്‍ ഉ​ന്ന​യി​ക്കു​ന്ന​ത്. ബി​ജെ​പി ത​ന്‍റെ കൂ​ടി പാ​ര്‍​ട്ടി​യാ​ണ്. രാ​ഷ്ട്രീ​യ​പ്ര​തി​യോ​ഗി​ക​ള്‍​ക്ക് ആ​യു​ധം ന​ല്‍​കു​ന്ന പ​ണി ത​നി​ക്കി​ല്ലെ​ന്നും ശോ​ഭ പ്ര​തി​ക​രി​ച്ചു.

ഒരിടവേളയ്ക്ക് ശേഷം പാർട്ടി വേദികളിലും പൊതു പരിപാടികളിലും സജീവമാകുകയാണ് ശോഭ സുരേന്ദ്രൻ. അനൗദ്യോഗിക വിലക്കിനിടെയാണ് കോഴിക്കോട് രണ്ടാമത്തെ പരിപാടിയിൽ പങ്കെടുക്കുന്നത്.മ​ത്സ്യ​ത്തൊഴിലാ​ളി​ക​ളു​ടെ സ​മ​ര​പ​രി​പാ​ടി​യി​ല്‍ ശോ​ഭ​യെ പ​ങ്കെ​ടു​പ്പി​ക്കു​ന്ന​ത് സം​ബ​ന്ധി​ച്ച് പാ​ര്‍​ട്ടി​യി​ല്‍ ത​ര്‍​ക്ക​മു​ണ്ടാ​യി​രു​ന്നു. നേ​തൃ​ത്വ​ത്തെ പ​ര​സ്യ​മാ​യി അ​പ​മാ​നി​ക്കു​ന്ന ശോ​ഭ​യെ പ​ങ്കെ​ടു​പ്പി​ക്ക​രു​തെ​ന്ന് ആ​വ​ശ്യ​പ്പെ​ട്ട് വി.​മു​ര​ളീ​ധ​ര​പ​ക്ഷ​മാ​ണ് കോ​ഴി​ക്കോ​ട് ജി​ല്ല​യി​ലെ ബി​ജെ​പി​യു​ടെ ഔ​ദ്യോ​ഗി​ക വാ​ട്‌​സാ​പ്പ് ഗ്രൂ​പ്പി​ല്‍ രം​ഗ​ത്തെ​ത്തി​യ​ത്. ഇ​ത് അ​വ​ഗ​ണി​ച്ചു​കൊ​ണ്ടാ​ണ് ശോ​ഭ പ​രി​പാ​ടി​യി​ല്‍ പ​ങ്കെ​ടു​ത്ത​ത്.