പാര്ലമെന്റ് കവാടത്തില് തെന്നി വീണ് കാല് ഒടിഞ്ഞു; ചിത്രം പങ്കുവെച്ച് ശശി തരൂർ എംപി
ഇന്ത്യ നിരന്തരം ചെറുപ്പമാകുകയാണ് : പ്രധാനമന്ത്രി നരേന്ദ്ര മോദി
February 5, 2026
വ്യാവസായിക മേഖലയ്ക്ക് കരുത്തുപകര്ന്ന് കേരളത്തില് രണ്ട് വന്നിക്ഷേപ പദ്ധതികള് കിന്ഫ്ര പാര്ക്കുകളില് പ്രവര്ത്തനസജ്ജമായി
February 5, 2026
ന്യൂഡല്ഹി : പാര്ലമെന്റിന് പുറത്ത് പടിക്കെട്ടില് തെന്നിവീണ കോണ്ഗ്രസ് നേതാവ് ശശി തരൂര് എംപിയുടെ കാല് ഒടിഞ്ഞു. ഇന്നലെയുണ്ടായ വീഴ്ചയിലാണ് വലത് കാല് ഒടിഞ്ഞത്.ശശി തരൂരിന്റെ ഓഫീസ് ആണ് ഇക്കാര്യം എക്സിലൂടെ അറിയിച്ചത്. ഒടിവ് പറ്റിയ കാലുമായി നില്ക്കുന്ന തരൂരിന്റെ ചിത്രം സഹിതമാണ് പോസ്റ്റ്.
ഇന്നലെ ഉച്ചയ്ക്കായിരുന്നു സംഭവം. ഫോണില് സംസാരിച്ച് കൊണ്ട് നടക്കുന്നതിനിടെയാണ് പടിക്കെട്ടില് നിന്ന് ശശി തരൂര് തെന്നിവീണത്. യുപി മുന്മുഖ്യമന്ത്രി അഖിലേഷ് യാദവ് എംപിയും അടുത്തുണ്ടായിരുന്നു. ശശി തരൂരിനെ സുരക്ഷാ ചുമതലയിലുണ്ടായിരുന്ന ഉദ്യോഗസ്ഥരും അഖിലേഷ് യാദവും ചേര്ന്നാണ് പിടിച്ചെഴുന്നേല്പ്പിച്ചത്. ബജറ്റ് സമ്മേളനത്തില് പങ്കെടുക്കുന്നതിനായാണ് ശശി തരൂര് പാര്ലമെന്റിലെത്തിയത്.
ഇന്ന് രാവിലെ നടത്തിയ എക്സ്-റേ പരിശോധനയിലാണ് ഒടിവ് സ്ഥിരീകരിച്ചത്. പാര്ലമെന്ററി പ്രവര്ത്തനങ്ങളിലും മറ്റ് പ്രവര്ത്തനങ്ങളിലും ശശി തരൂര് കഴിയുന്നത്ര പങ്കെടുക്കും. ഒരുപക്ഷേ വീല്ചെയറില് ആണെങ്കില് കൂടിയും പാര്ലമെന്ററി പ്രവര്ത്തനങ്ങളില് സജീവമായി എംപി പങ്കെടുക്കുമെന്നും ശശി തരൂരിന്റെ ഓഫീസ് അറിയിച്ചു.
