കാര്ഷിക സര്വകലാശാലാ ഫീസ് വര്ധനയിൽ എസ്എഫ്ഐ സമരത്തിലേക്ക്
കാര് നിയന്ത്രണം വിട്ട് ബൈക്കില് ഇടിച്ചു; മലപ്പുറത്ത് ദമ്പതികള് മരിച്ചു
October 28, 2025
ആദ്യമായി യാത്രാവിമാനം നിര്മിക്കാനൊരുങ്ങി ഇന്ത്യ; റഷ്യയുമായി കരാര് ഒപ്പിട്ടു
October 28, 2025
തിരുവനന്തപുരം : സിപിഐ വകുപ്പിനെതിരെ സമരവുമായി എസ്എഫ്ഐ. കാര്ഷിക സര്വകലാശാല ഫീസ് വര്ധന ഉയര്ത്തിക്കാട്ടിയാണ് എസ്എഫ്ഐയുടെ സമരം. പിഎം ശ്രീ വിഷയത്തില് സിപിഐ നിലപാട് കടുപ്പിക്കുന്നതിനിടെയാണ് എസ്എഫ്ഐ പ്രതിഷേധം. എസ്എഫ്ഐ സംസ്ഥാന സെക്രട്ടറിയും പ്രസിഡന്റും പങ്കെടുത്ത് ഇന്ന് കാര്ഷിക സര്വകലാശാലയിലേക്ക് മാര്ച്ച് സംഘടിപ്പിക്കും.
ഫീസ് വര്ധന ഉണ്ടാകില്ലെന്ന ഉറപ്പ് അട്ടിമറിക്കപ്പെട്ടെന്ന് ആരോപിച്ചാണ് സമരം. പിഎം ശ്രീ പദ്ധതിയില് വിദ്യാഭ്യാസ വകുപ്പിനെതിരെ എഐഎസ്എഫ്, എഐവൈഎഫ് എന്നിവര് സമരം ശക്തിപ്പെടുത്തുന്നതിനിടയിലാണ് എസ്എഫ്ഐ കൃഷിവകുപ്പിനെതിരായ സമരം തുടങ്ങുന്നത്. പിഎം ശ്രീ പദ്ധതിയില് ധാരണാപത്രം ഒപ്പിട്ട നിലപാട് വിദ്യാഭ്യാസവകുപ്പും മന്ത്രിയും തിരുത്തണമെന്നാവശ്യപ്പെട്ടാണ് എഐവൈഎഫ് പ്രതിഷേധം.
പിഎം ശ്രീ പദ്ധതിയില് ഇടഞ്ഞുനില്ക്കുന്ന സിപിഐയെ അനുനയിപ്പിക്കാന് സിപിഐഎം ശ്രമം തുടരും. സിപിഐ സംസ്ഥാന കൗണ്സിലിന് മുമ്പ് എല്ഡിഎഫ് യോഗം വിളിച്ച് പ്രശ്നപരിഹാരത്തിന് ശ്രമം നടത്തും. പദ്ധതിയില് ഒപ്പുവച്ചാല് കേന്ദ്രം നിശ്ചയിച്ചത് നടപ്പാക്കേണ്ടി വരുമെന്നത് അവാസ്തവമെന്ന് ദേശാഭിമാനിയിലെ ലേഖനത്തില് മന്ത്രി വി ശിവന്കുട്ടി വ്യക്തമാക്കി.
