ഒറ്റപ്പാലത്ത് സ്കൂട്ടറില് ടിപ്പറിടിച്ച് അപകടം; യുവതിക്കും കുഞ്ഞിനും ദാരുണാന്ത്യം
ഗോരഖ്നാഥ് ഓവര്ബ്രിഡ്ജ് ഉദ്ഘാടനത്തിനെത്തിയ യോഗിക്ക് നേരെ പാഞ്ഞടുത്ത് പശു; സുരക്ഷാ വീഴ്ചയിൽ ഉദ്യോഗസ്ഥന് സസ്പെന്ഷന്
December 22, 2025
ആലപ്പുഴയില് ബൈക്കുകള് കൂട്ടിയിടിച്ച് രണ്ട് യുവാക്കള്ക്ക് ദാരുണാന്ത്യം
December 22, 2025
പാലക്കാട് : ടിപ്പറും സ്കൂട്ടറും കൂട്ടിയിടിച്ചുണ്ടായ അപകടത്തില് അമ്മയും കുഞ്ഞും മരിച്ചു. ഒറ്റപ്പാലം ലക്കിടിയില് ആണ് അപകടം ഉണ്ടായത്. തിരുവില്വാമല കണിയാര്ക്കോട് സ്വദേശി ശരണ്യ, ഇവരുടെ മകള് അഞ്ച് വയസുകാരി ആദിശ്രീ എന്നിവരാണ് മരിച്ചത്. സ്കൂട്ടര് ഓടിച്ചിരുന്ന ബന്ധു മോഹന്ദാസിന് ഗുരുതരമായി പരിക്കേറ്റു.
തിരുവില്വാമലയിലെ വീട്ടില് നിന്ന് ലക്കിടി കൂട്ടുപാതയിലെ ഭര്ത്താവിന്റെ വീട്ടിലേക്കുള്ള യാത്രയ്ക്കിടെ ആയിരുന്നു അപകടം. ഒരേ ദിശയില് പോകുകയായിരുന്ന സ്കൂട്ടറില് ടിപ്പര് ഇടിക്കുകയായിരുന്നു. ഇരുവരുടെയും ദേഹത്തു കൂടി ടിപ്പര് ലോറി കയറിയിറങ്ങിയതായും ദൃക്സാക്ഷികള് പറഞ്ഞു. ഗുരുതരമായി പരിക്കേറ്റ ശരണ്യയെയും കുഞ്ഞിനെയും ഒറ്റപ്പാലം താലൂക്ക് ആശുപത്രിയില് എത്തിച്ചെങ്കിലും രക്ഷിക്കാനായില്ല.
