ഈന്തപ്പഴ പെട്ടിയില് എംഡിഎംഎ കടത്ത്; സഞ്ജുവിൻറെ കൊച്ചിയിലെ സിനിമാ മേഖലയുമായി ബന്ധം അന്വേഷിക്കുന്നു
കൊലക്കേസില് ജീവപര്യന്തം ശിക്ഷിക്കപ്പെട്ടു; വിവാഹത്തിനായി പരോള് അനുവദിച്ച് ഹൈക്കോടതി
July 12, 2025
പാലക്കാട് കാർ പൊട്ടിത്തെറിച്ച് പരിക്കേറ്റ് ചികിത്സയിലുള്ള രണ്ടു കുട്ടികളുടെ നില അതീവഗുരുതരമായി തുടരുന്നു
July 12, 2025
തിരുവനന്തപുരം : ഈന്തപ്പഴത്തിന്റെ പെട്ടിയില് ഒന്നേകാല് കിലോ എംഡിഎംഎ കടത്താന് ശ്രമിച്ച കേസില് അറസ്റ്റിലായ സഞ്ജുവിന് സിനിമാ മേഖലയുമായി ബന്ധമുണ്ടെന്ന് പൊലീസിന് സംശയം. ഇയാളുടെ ഫോണില്നിന്നു ലഭിച്ച വിവരങ്ങളുടെ അടിസ്ഥാനത്തിലാണ് അന്വേഷണം വ്യാപിപ്പിക്കുന്നത്. കൊച്ചിയില് സിനിമാ ബന്ധമുള്ളവരുമായി ഇയാള് കൂടിക്കാഴ്ച നടത്തിയതിനെക്കുറിച്ച് അന്വേഷിക്കാനാണ് പൊലീസിന്റെ തീരുമാനം.
എറണാകുളം, കോഴിക്കോട്, തിരുവനന്തപുരം നഗരങ്ങള് കേന്ദ്രീകരിച്ച് സഞ്ജു പല ഇടപാടുകളും നടത്തിയിരുന്നതായി പൊലീസിന് വിവരം ലഭിച്ചു. സഞ്ജുവിന്റെ ബാങ്ക് ഇടപാടുകള് പൊലീസ് പരിശോധിക്കും. ഒമാനില് നിന്നെത്തിച്ച, രാജ്യാന്തര വിപണിയില് 3 കോടിയോളം രൂപ വിലമതിക്കുന്ന എംഡിഎംഎ കടത്തുന്നതിനിടെയാണ് സഞ്ജു ഉള്പ്പെടെ 4 പേരെ ഡാന്സാഫ് സംഘം പിടികൂടുന്നത്.
ഒമാനില്നിന്ന് തിരുവനന്തപുരത്ത് വിമാനമിറങ്ങിയ സഞ്ജുവിന്റെ ബാഗേജിലെ, വീട്ടിലേക്കുള്ള ആഡംബര ലൈറ്റുകള്, വിലകൂടിയ പാത്രങ്ങള്, വസ്ത്രം എന്നിവയ്ക്കൊപ്പമുണ്ടായിരുന്ന ഈന്തപ്പഴത്തിന്റെ പെട്ടിക്കുള്ളിലായിരുന്നു എംഡിഎംഎ ഒളിപ്പിച്ചിരുന്നത്. തിരുവനന്തപുരം വിമാനത്താവളത്തില് നിന്ന് ഈ വര്ഷം 4 തവണ സഞ്ജു ഒമാനിലേക്കു യാത്ര ചെയ്തതായി പൊലീസ് സ്ഥിരീകരിച്ചിട്ടുണ്ട്.
കസ്റ്റംസിന്റെ കണ്ണുവെട്ടിച്ച് ഇത്രയുമധികം രാസലഹരി കടത്തിയിട്ടും വിമാനത്താവളത്തില് എന്തുകൊണ്ട് കണ്ടെത്തിയില്ല എന്നതും സംശയത്തിനിടയാക്കുന്നു. 2023ല് ഞെക്കാടിനു സമീപം വളര്ത്തുനായ്ക്കളെ കാവല് നിര്ത്തി ലഹരി കച്ചവടം നടത്തിയ കേസില് ഇയാള് പിടിയിലായിരുന്നു.
