സോഷ്യല് ഓഡിറ്റിങിന് തയ്യാര്; ഇടുക്കിയിലെ സിപിഐഎം നേതാക്കളുടെ സ്വത്ത് ഇഡി അന്വേഷിക്കണം : എസ് രാജേന്ദ്രന്
നിയമസഭ തെരഞ്ഞെടുപ്പ് : 30 മണ്ഡലങ്ങളില് മത്സരിക്കാനൊരുങ്ങി കിഫ
February 8, 2026
കര്ണാടകയില് സ്വകാര്യ വിമാനം തകര്ന്നുവീണു
February 8, 2026
തൊടുപുഴ : സിപിഐഎമ്മിനെ കടന്നാക്രമിച്ച് ദേവികുളം മുന് എംഎല്എ എസ് രാജേന്ദ്രന്. എംഎല്എയായ അഞ്ച് വര്ഷവും തന്നെ ഒന്നും ചെയ്യാനാവാത്ത വിധത്തില് വിലക്കിയെന്നും ഇടുക്കിയിലെ സിപിഐഎം നേതാക്കളുടെ സ്വത്ത് ഇഡി പരിശോധിക്കണമെന്നും രാജേന്ദ്രന് പറഞ്ഞു. ബിജെപി അംഗത്വമെടുത്ത ശേഷം മൂന്നാറില് സംഘടിപ്പിച്ച പാര്ട്ടി സ്വീകരണയോഗത്തില് സംസാരിക്കുകയായിരുന്നു അദ്ദേഹം.
ജനങ്ങള്ക്ക് ചെയ്യേണ്ട നല്ല കാര്യങ്ങള് സിപിഐഎം നേതാക്കള് ബ്ലോക്ക് ചെയ്തുവെന്നും എസ് രാജേന്ദ്രന് ആരോപിച്ചു. താന് എംഎല്എ. ആയിരുന്നപ്പോള് തോട്ടം തൊഴിലാളികള്ക്കായി പ്രവര്ത്തിച്ചു. അവര്ക്ക് നിരവധി ഗുണങ്ങള് കിട്ടി. തോട്ടം തൊഴിലാളികളുടെ പണത്തില് ആണ് മൂന്നാറില് സിപിഐഎം നേതക്കള് കാറില് സഞ്ചരിക്കുന്നതെന്നും എസ് രാജേന്ദ്രന് ആരോപിച്ചു. ബിജെപിയിലേക്കുള്ള മാറ്റം എന്റെ നേട്ടത്തിനല്ല. 40 വര്ഷത്തെ പൊതുജീവിതം കൊണ്ട് ഒന്നും നേടിയിട്ടില്ല. സോഷ്യല് ഓഡിറ്റിന് താന് തയാറാണ്. മുന്നാറിലെ സിപിഐഎം നേതാക്കളുടെ സ്വത്ത് ഇ.ഡി. പരിശോധിക്കണമെന്നും എസ രാജേന്ദ്രന് ആവശ്യപ്പെട്ടു.
ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിന്റെ നേതൃത്വത്തിലാണ് മൂന്നാറില് എസ് രാജേന്ദ്രന് സ്വീകരണം ഒരുക്കിയത്. രാജേന്ദ്രനൊപ്പം ബിജെപിയിലെത്തിയ മറ്റ് പ്രവര്ത്തകരും ചടങ്ങിനെത്തി.
