ഓര്ത്തഡോക്സ് ഈസ്റ്റര് : യുക്രൈനുമായി ഒരു ദിവസത്തെ വെടിനിര്ത്തല് പ്രഖ്യാപിച്ച് റഷ്യ
ഇറാൻറെ നഷ്ടങ്ങള്ക്ക് എണ്ണിയെണ്ണി കണക്ക് ചോദിക്കും; ആക്രമിച്ചവര് ശിക്ഷിക്കപ്പെടാതെ പോകില്ല : മുജ്തബ ഖമേനി
April 10, 2026
പയ്യന്നൂരിൽ വി കുഞ്ഞികൃഷ്ണനെ അനുകൂലിക്കുന്ന സിപിഐഎം നേതാവിൻറെ വീടിന് നേരെ ആക്രമണം
April 10, 2026
മോസ്കോ : ഓര്ത്തഡോക്സ് ഈസ്റ്റര് പ്രമാണിച്ച് യുക്രൈനുമായി താല്ക്കാലിക വെടിനിര്ത്തല് പ്രഖ്യാപിച്ച് റഷ്യ. യുക്രൈന് മുന്നോട്ടുവച്ച നിര്ദേശം പരിഗണിച്ചാണ് റഷ്യന് പ്രസിഡന്റ് വ്ളാഡിമിര് പുടിന്റെ പ്രഖ്യാപനമെന്ന് ക്രെംലിന് വ്യാഴാഴ്ച അറിയിച്ചു. ഏപ്രില് 11 വൈകിട്ട് 4 മണി മുതല് ഏപ്രില് 12 അര്ധരാത്രി വരെയാണ് വെടിനിര്ത്തല്.
നാല് വര്ഷമായി തുടരുന്ന റഷ്യ-യുക്രൈന് സമാധാന ചര്ച്ചകള് വഴിമുട്ടി നില്ക്കുന്ന സാഹചര്യത്തില്, യുഎസ് മുഖേന ഈസ്റ്റര് വെടിനിര്ത്തല് നിര്ദേശം കൈമാറിയതായി സെലെന്സ്കി നേരത്തേ അറിയിച്ചിരുന്നു. എല്ലാ മേഖലകളിലും സൈനിക നടപടികള് നിര്ത്തിവെക്കാന് നിര്ദേശം നല്കിയതായി ക്രെംലിന് അറിയിച്ചു.
ശത്രുപക്ഷത്ത് നിന്നുള്ള ഏത് പ്രകോപനത്തെയും നേരിടാന് സൈന്യം സജ്ജമാണെന്നും ക്രെംലിന് കൂട്ടിച്ചേര്ത്തു. റഷ്യയുടെ ഈ മാതൃക യുക്രൈനും പിന്തുടരുമെന്നാണ് തങ്ങള് കരുതുന്നതെന്നും ക്രെംലിന് വ്യക്തമാക്കി.
