ട്രെ​യി​നി​ല്‍ ആ​ര്‍​പി​എ​ഫ് കോ​ണ്‍​സ്റ്റ​ബി​ള്‍ ന​ട​ത്തി​യ കൊ​ല​പാ​ത​കം വ​ര്‍​ഗീ​യ സ്വ​ഭാ​വ​മു​ള്ള​ത്; ചേ​ത​ന് മാ​ന​സി​ക പ്ര​ശ്‌​ന​ങ്ങ​ളി​ല്ലെ​ന്ന് കു​റ്റ​പ​ത്രം

മും​ബൈ: ജ​യ്പുര്‍-​മും​ബൈ ട്രെ​യി​നി​ല്‍ ആ​ര്‍​പി​എ​ഫ് കോ​ണ്‍​സ്റ്റ​ബി​ള്‍ ന​ട​ത്തി​യ കൊ​ല​പാ​ത​ക​ക്കേ​സി​ല്‍ കു​റ്റ​പ​ത്രം സ​മ​ര്‍​പ്പി​ച്ചു. പ്ര​തി ചേ​ത​ന്‍ സിം​ഗി​ന് മാ​ന​സി​ക പ്ര​ശ്‌​ന​ങ്ങ​ളി​ല്ലെന്ന് കു​റ്റ​പ​ത്രം വ്യ​ക്ത​മാ​ക്കു​ന്നു.വ​ര്‍​ഗീ​യ സ്വ​ഭാ​വ​ങ്ങ​ളു​ള്ള കൊ​ല​പാ​ത​ക​ങ്ങ​ളാ​ണ് ന​ട​ന്ന​തെ​ന്നും ഗ​വ​ണ്‍​മെ​ന്‍റ് റെ​യി​ല്‍​വേ പൊലീസ് (ജി​ആ​ര്‍​പി) ബോ​റി​വ​ലി മെ​ട്രോ​പൊ​ളി​റ്റ​ന്‍ മ​ജി​സ്ട്രേ​റ്റ് കോ​ട​തി​യി​ല്‍ സ​മ​ര്‍​പ്പി​ച്ച കു​റ്റ​പ​ത്രം പറയു​ന്നു.

ജൂ​ലൈ 31 പു​ല​ര്‍​ച്ചെ​യാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ജ​യ്പു​ര്‍-​മും​ബൈ സെ​ന്‍​ട്ര​ല്‍ സൂ​പ്പ​ര്‍​ഫാ​സ്റ്റ് എ​ക്സ്പ്ര​സി​ലെ റെ​യി​ല്‍​വേ പ്രൊ​ട്ട​ക്ഷ​ന്‍ ഫോ​ഴ്സ് (ആ​ര്‍​പി​എ​ഫ്) കോ​ണ്‍​സ്റ്റ​ബി​ളാ​യ ചേ​ത​ന്‍ സിം​ഗ് ചൗ​ധ​രി(34) ടി​ക്കാ​റാം മീ​ണ എ​ന്ന മു​തി​ര്‍​ന്ന പൊലീസ് ഉ​ദ്യോ​ഗ​സ്ഥ​നെ​യും മ​റ്റ് മൂ​ന്നു​പേ​രേ​യും വെ​ടി​വ​ച്ച് കൊ​ല്ലു​ക​യാ​യി​രു​ന്നു.നേരത്തെ, പ്ര​തി​ക്ക് മാ​ന​സി​ക പ്ര​ശ്‌​ന​ങ്ങ​ള്‍ ഉ​ള്ള​താ​യി കു​ടും​ബം വ​ദി​ച്ചി​രു​ന്നു. എന്നാൽ 2017ല്‍ മു​സ്‌​ലിം വി​ഭാ​ഗ​ത്തി​ല്‍​പ്പെ​ട്ട ഒ​രാ​ളെ അ​കാ​ര​ണ​മാ​യി മ​ര്‍​ദ​ച്ച​തി​ന് ഇ​യാ​ള്‍ വ​കു​പ്പു​ത​ല ന​ട​പ​ടി നേ​രി​ട്ടി​രു​ന്നു.1,203 പേ​ജു​ള്ള കു​റ്റ​പ​ത്ര​ത്തി​ല്‍ തീ​വ​ണ്ടി​യാ​ത്ര​ക്കാ​ര്‍ ഉ​ള്‍​പ്പെ​ടെ 150 സാ​ക്ഷി​ക​ളു​ടെ മൊ​ഴി​ക​ളു​ണ്ട്. ദൃ​ക്സാ​ക്ഷി​ക​ളു​ടെ മൊ​ഴി​ക​ള്‍​ക്ക് പു​റ​മേ സി​സി​ടി​വി ദൃ​ശ്യ​ങ്ങ​ളും അ​ന്വേ​ഷ​ണ ഉ​ദ്യോ​ഗ​സ്ഥ​ര്‍ ഹാ​ജ​രാ​ക്കി. കേസ് നവംബര്‍ രണ്ടിന് കോടതി വീണ്ടും പരിഗണിക്കും.