മെഡിക്കൽ കോളജിലെ അഗ്നിബാധ; രോഗികൾ മരിക്കാൻ കാരണം ജീവന്രക്ഷാ ഉപകരണങ്ങള് മാറ്റിയത് : ബന്ധുക്കൾ
കോഴിക്കോട് പക്ഷിപ്പനി : അഞ്ച് പഞ്ചായത്തിൽ 15,000 പക്ഷികളെ കൊന്നൊടുക്കും
March 21, 2026
നടിയെ പിന്തുടര്ന്നു ശല്യം ചെയ്തു; കലൂരില് യുവാവ് അറസ്റ്റില്
March 21, 2026
തിരുവനന്തപുരം : തിരുവനന്തപുരം മെഡിക്കല് കോളജിലെ മള്ട്ടി സ്പെഷല്റ്റി വെന്റിലേറ്റര് യൂണിറ്റിലെ തീ പിടിത്തത്തിന് ശേഷം മണിക്കൂറുകള്ക്കുളളില് രോഗികൾ മരിച്ചതിൽ ആരോപണവുമായി കുടുംബങ്ങൾ.
അഞ്ച് രോഗികളാണ് മരിച്ചത്. അഗ്നിബാധയില് നിന്ന് രക്ഷിക്കാന് ശ്രമിക്കുന്നതിനിടെ ജീവന്രക്ഷാ ഉപകരണങ്ങള് മാറ്റിയതാണ് മരണകാരണമെന്നാണ് മരിച്ച നെയ്യാറ്റിന്കര സ്വദേശി സനീഷിന്റെ ബന്ധുക്കള് ആരോപിക്കുന്നത്.
ബൈക്കില് നിന്ന് വീണ് പരുക്കേറ്റ് ചികിത്സയിലായിരുന്ന സനീഷ് ആരോഗ്യം മെച്ചപ്പെട്ട് പൊടിയരിക്കഞ്ഞി കുടിച്ച് തുടങ്ങിയിരുന്നതായിരുന്നു. എന്നാൽ തീപിടിച്ച വെന്റിലേറ്ററില് ചികില്സയിലിരുന്ന സനീഷിന് തീപിടിത്ത ശേഷം നില വഷളായെന്നും രക്ഷപെടില്ലെന്നും അറിയിക്കുകയായിരുന്നുവെന്ന് ബന്ധുക്കൾ പറഞ്ഞു. രക്ഷാപ്രവർത്തനത്തിനിടെ ജീവന്രക്ഷാ ഉപകരണങ്ങള് മാറ്റിയതാണ് സനീഷ് മരിക്കാൻ കാരണമെന്ന് ബന്ധുക്കൾ ആരോപിച്ചു.
സനീഷിനെ കൂടാതെ ഓട്ടോ ഇടിച്ച് പരുക്കേറ്റ് ചികിത്സയില് കഴിഞ്ഞിരുന്ന ആയൂര് സ്വദേശി കൃഷ്ണന്കുട്ടി, കാര് ഓട്ടോയില് ഇടിച്ച് പരുക്കേറ്റ ഓട്ടോ ഡ്രൈവര് അബ്ദുള് റഹീം, വാഹനാപകടത്തില് പരുക്കേറ്റ ചിറയിന്കീഴ് സ്വദേശി ഓമന അമ്മ , ബാലരാമപുരം സ്വദേശി ശ്രീധരന് എന്നിവരാണ് മരിച്ചത്. ഇതുമായി ബന്ധപ്പെട്ട് നിയമപരമായി പരാതികൾ കുടുംബങ്ങൾ നൽകിയിട്ടില്ല. സംഭവത്തിൽ തുടരന്വേഷണം ആവശ്യമാണ്.
