എൽ ക്ലാസിക്കോയിൽ അടിതെറ്റി ബാർസ; ലാലി​ഗ​ കിരീടമുറപ്പിച്ച് റയൽ

മാഡ്രിഡ്: ഈ സീസണിലെ അവസാന എൽ ക്ലാസിക്കോയിൽ റയൽ മാ‍‍ഡ്രിഡിന് ആവേശ ജയം. ഇഞ്ച്വറി ടൈമിൽ ജൂഡ് ബെല്ലിങ്ഹാം നേടിയ ​ഗോളിൽ ചിരവൈരികളായ ബാർസലോണയെ രണ്ടിനെതിരെ മൂന്ന് ​ഗോളുകൾക്ക് തോൽപ്പിച്ചു. വിജയത്തോടെ ലീ​ഗിൽ 11 പോയിന്റ് ലീഡ് നേടാനും റയലിനായി. ആറ് മത്സരങ്ങൾ ബാക്കിയുള്ള ലീ​​ഗിൽ‍ റയൽ കിരീടം ഏറെക്കുറെ ഉറപ്പിച്ചു. നേരത്തെ 5ാം മിനുട്ടിൽ ക്രിസ്റ്റ്യൻസനിലൂടെ ബാർസ മുന്നിലെത്തിയെങ്കിലും വിനീഷ്യസിലൂടെ റയൽ തിരിച്ചടിച്ചു. 67ാം മിനുട്ടിൽ ഫിർമിൻ ലോപസ് ബാർസയെ വീണ്ടും മുന്നിലെത്തിച്ചെങ്കിലും 71ാം മിനുട്ടിൽ ലൂകാസ് വാസ്ക്വസിലൂടെ 2-2 സമനിലയാക്കി. പിന്നീടായിരുന്നു ബെല്ലിങ്ഹാമിന്റെ വിജയ ​ഗോൾ.