ഇ പോസ് മെഷീന്‍ തകരാര്‍ ; റേഷന്‍ കടകള്‍ക്ക് ഇന്ന് ഉച്ചയ്ക്ക് ശേഷം അവധി
നിയമസഭാ സമ്മേളനം സാധുവല്ലെന്ന് ചൂണ്ടിക്കാട്ടി ബില്ലില്‍ ഒപ്പിടാതിരുന്ന നടപടിയില്‍ പഞ്ചാബ് ഗവര്‍ണര്‍ക്ക് തിരിച്ചടി
November 10, 2023
സപ്ലൈകോയില്‍ ഏഴ്‌ വര്‍ഷത്തിന് ശേഷം 13 സബ്‌സിഡി സാധനങ്ങളുടെ വിലകൂട്ടുന്നു
November 10, 2023
തിരുവനന്തപുരം : സംസ്ഥാനത്തെ റേഷന്‍കടകള്‍ക്ക് ഇന്ന് (വെള്ളിയാഴ്ച) ഉച്ചയ്ക്കശേഷം അവധി പ്രഖ്യാപിച്ച് മന്ത്രി ജിആര്‍ അനില്‍. ബയോമെട്രിക് ഒതന്റിക്കേഷന്‍ മുഖേനയുള്ള റേഷന്‍ വിതരണം തടസപ്പെട്ടതിനാലാണ് പൊതുവിതരണ വകുപ്പ് റേഷന്‍കടകള്‍ക്ക് അവധി പ്രഖ്യാപിച്ചത്.
പവര്‍ ഔട്ടേജ് കാരണം ഐ.ടി മിഷന്റെ കീഴിലുള്ള ഡാറ്റ സെന്ററിലെ എയുഎസര്‍വ്വറില്‍ ഉണ്ടായ തകരാരാണ് ബയോമെട്രിക് ഒതന്റിക്കേഷന്‍ പ്രവര്‍ത്തനരഹിതമായത്. ഇതു പരിഹരിക്കുന്നതിന് ഐടി മിഷന്‍ ഡയറക്ടറുടെ നേതൃത്വത്തില്‍ ടെക്‌നിക്കല്‍ ടീം ശ്രമിച്ചുവരികയാണെന്നും മന്ത്രി അറിയിച്ചു. രാവിലെ മുതല്‍ സെര്‍വര്‍ തകരാറിലായതിനെ തുടര്‍ന്ന് നിരവധി പേര്‍ റേഷന്‍ വാങ്ങാനാവാതെ മടങ്ങിയിരുന്നു. തുടര്‍ച്ചയായി ഇ പോസ് മെഷീന്‍ തകരാറാവുന്നതായി റേഷന്‍ വ്യാപാരികളും പറയുന്നു.
