ഒടുവിൽ ആ മലയാളി പെൺകുട്ടിയെ കണ്ടെത്തി,​ സിനിമയിലേക്ക് ക്ഷണിച്ച് സംവിധായകൻ രാംഗോപാൽ വ‌ർമ്മ

ഒടുവിൽ ആ മലയാളി പെൺകുട്ടിയെ ബോളിവുഡ് സംവിധായകൻ രാംഗോപാൽ വർമ്മ കണ്ടെത്തി. കഴിഞ്ഞ ദിവസം ഒരു മലയാളി മോഡലിന്റെ ചിത്രം പങ്കുവച്ച് സംവിധായകൻ രാംഗോപാൽ വർമ്മ ആ പെൺകുട്ടി ആരാണെന്ന് അന്വേഷിച്ച് സോഷ്യൽ മീഡിയയിൽ. കുറിപ്പിട്ടിരുന്നു. 

പോസ്റ്റ് വൈറലായതിന് പിന്നാലെ ആ പെൺകുട്ടി ആരാണെന്ന് കണ്ടെത്തിയിരിക്കുകയാണ്  രാംഗോപാൽ വർമ്മ . മോഡലായ ശ്രീലക്ഷ്മി സതീഷിന്റെ ചിത്രമായിരുന്നു രാംഗോപാൽ വർമ്മ പങ്കുവച്ചിരുന്നത്. പെൺകുട്ടി ആരെന്ന് തിരിച്ചറിഞ്ഞതോടെ ശ്രീലക്ഷ്മിക്ക് അഭിനയിക്കാൻ താത്പര്യമുണ്ടോ എന്ന് അന്വേഷിച്ച് രാംഗോപാൽ വർമ്മ വീണ്ടും തുറന്ന ട്വീറ്റുമായി രംഗത്തെത്തി.ഇൻസ്റ്റഗ്രാം ഇൻഫ്ലുവൻസറും മോഡലുമാണ് ശ്രീലക്ഷ്മി. പരസ്യ ചിത്രങ്ങളിലും അഭിനയിച്ചിട്ടുള്ള ശ്രീലക്ഷ്മിയ്ക്ക് ഇൻസ്റ്റഗ്രാമിൽ അൻപത്തയ്യായിരത്തോളം ഫോളോവേഴ്‌സ് ഉണ്ട്. ശ്രീലക്ഷ്മിയുടെ ഫോട്ടോഷൂട്ട് വീഡിയോകളും ചിത്രങ്ങളും സോഷ്യൽ മീഡിയയിൽ വൈറലാകാറുണ്ട്.