ഡല്ഹി സന്ദര്ശനത്തില് മുഖ്യമന്ത്രി സ്ഥാനത്തെ ചൊല്ലിയുള്ള ചര്ച്ചകള് ഉണ്ടായിട്ടില്ല : രമേശ് ചെന്നിത്തല
കോണ്ഗ്രസിലെ മുഖ്യമന്ത്രി ചര്ച്ച; പ്രതികരിച്ച് കെ സുധാകരന്
April 17, 2026
കണ്ണൂരിൽ വീടിന് നേരെ സ്റ്റീൽ ബോംബ് എറിഞ്ഞു
April 17, 2026
തിരുവനന്തപുരം : ഡല്ഹി സന്ദര്ശനത്തില് കേരളത്തിലെ മുഖ്യമന്ത്രി സ്ഥാനത്തെ ചൊല്ലിയുള്ള ചര്ച്ചകള് ഉണ്ടായിട്ടില്ലെന്ന് കോണ്ഗ്രസ് നേതാവ് രമേശ് ചെന്നിത്തല. കോണ്ഗ്രസില് മുഖ്യമന്ത്രി സ്ഥാനത്തെച്ചൊല്ലിയുള്ള തര്ക്കങ്ങള്ക്കിടെ ഹൈക്കമാന്ഡ് നേതാക്കളുമായി രമേശ് ചെന്നിത്തല നടത്തിയട കൂടിക്കാഴ്ചയ്ക്ക് പിന്നാലെയാണ് പ്രതികരണം. കേരളത്തിലെ മുഖ്യമന്ത്രി സ്ഥാനത്തെ ചൊല്ലിയുള്ള ചര്ച്ചകള് അനവസരത്തിലാണ്. ഞാന് ഡല്ഹിയില് എത്തിയത് അതിനല്ല. തെരഞ്ഞെടുപ്പ് ജയിച്ച ശേഷം മുഖ്യമന്ത്രിയെ തീരുമാനിക്കുമെന്നും രമേശ് ചെന്നിത്തല ഡല്ഹിയില് പ്രതികരിച്ചു.
മുന് കെപിസിസി പ്രസിഡന്റ് കെ സുധാകരന് എഐസിസി ജനറല് സെക്രട്ടറി കെ സി വേണുഗോപാലിനെ പിന്തുണച്ചു രംഗത്തു വന്നതോടെയാണ് മുഖ്യമന്ത്രി ചര്ച്ച വീണ്ടും കൊഴുത്തത്. നാളെയുടെ ഭരണത്തിന് ദിശാബോധം നല്കാന് കഴിയുന്ന നേതാവായി കെസി വേണുഗോപാല് ഉയരട്ടെ എന്ന് കുറിപ്പില് കെ സുധാകരന് അഭിപ്രായപ്പെട്ടിരുന്നു.
പിന്നാലെ കോണ്ഗ്രസിലെ പക്ഷം തിരിഞ്ഞുള്ള ചര്ച്ചകളില് ബഹുഭൂരിപക്ഷം എംപിമാരും ഹൈക്കമാന്ഡിനെ അതൃപ്തി അറിയിച്ചതായാണ് സൂചന. കെസി വേണുഗോപാലിനും വിഡി സതീശനും തമ്മിലുള്ള പോരിനിടെ വിവാദങ്ങള്ക്കില്ലാതെ മാറി നില്ക്കുകയാണ് രമേശ് ചെന്നിത്തല.
