രോഹിത് അടുത്ത ധോണിയെന്ന് സുരേഷ് റെയ്‌ന; യുവതാരങ്ങള്‍ക്ക് അവസരം നല്‍കിയതില്‍ അഭിനന്ദനം

ന്യൂഡല്‍ഹി: ഇന്ത്യന്‍ നായകന്‍ രോഹിത് ശര്‍മയെ പ്രശംസിച്ച് മുന്‍ ഇന്ത്യന്‍ താരം സുരേഷ് റെയ്‌ന. രോഹിത് എംഎസ് ധോണിയെപ്പോലെ യുവതാരങ്ങള്‍ക്ക് ഒരുപാട് അവസരം നല്‍കിയെന്ന് സുരേഷ് റെയ്‌ന പറഞ്ഞു. റാഞ്ചി ടെസ്റ്റില്‍ ഇംഗ്ലണ്ടിനെതിരെ യുവതാരം ധ്രുവ് ജുറല്‍ നടത്തിയ പ്രകടനത്തിലാണ് താരത്തിന്റെ പ്രതികരണം. ഗാഗുംലിയും ഇതുപോലെയായിരുന്നു. ശേഷം ധോണി വന്നപ്പോഴും യുവതാരങ്ങള്‍ക്ക് അവസരം നല്‍കുന്നത് തുടര്‍ന്നു. ഇപ്പോള്‍ രോഹിത്തും ശരിയായ പാതയിലാണ് പോകുന്നതെന്നും റെയ്‌ന പറഞ്ഞു.
യുവതാരം ധ്രുവ് ജുറലിന്റെ പ്രകടനത്തിന്റെ ക്രെഡിറ്റ് രോഹിത്തിനാണെന്നും ബാറ്റിങ്ങിലും കീപ്പിങ്ങിലും മികച്ച പ്രകടനമാണ് നടത്തിയതെന്നും താരം പറഞ്ഞു. ഇംഗ്ലണ്ടിനെതിരായ പരമ്പരയില്‍ ധ്രുവ് ജുറെലിന് പുറമെ സര്‍ഫറാസ് ഖാന്‍, ആകാശ് ദീപ്, രജദ് പട്ടിദാര്‍ തുടങ്ങിയ താരങ്ങള്‍ അരങ്ങേറിയിരുന്നു.