സംസ്ഥാനത്ത് അടുത്ത നാലുദിവസം കൂടി മഴയ്ക്ക് സാധ്യത
സംസ്ഥാനത്തെ പൊതു വിദ്യാലയങ്ങളില് എല് പി വിഭാഗം ഓണപ്പരീക്ഷയ്ക്ക് ഇന്ന് തുടക്കം
August 20, 2025
പാലക്കാട് യുവാവ് വീട്ടില് കൊല്ലപ്പെട്ട നിലയില്; പെണ്സുഹൃത്തിന്റെ ഭര്ത്താവ് കസ്റ്റഡിയില്
August 20, 2025
തിരുവനന്തപുരം : ന്യൂനമര്ദ്ദത്തിന്റെയും ന്യൂനമര്ദ്ദ പാത്തിയുടെയും സ്വാധീനഫലമായി സംസ്ഥാനത്ത് അടുത്ത നാലുദിവസം കൂടി മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. നേരിയ/ ഇടത്തരം മഴയ്ക്കുള്ള സാധ്യതയാണ് നിലനില്ക്കുന്നത്. എവിടെയും ശക്തമായ മഴയ്ക്കുള്ള സാധ്യത ഇല്ലാത്തതിനാല് ഈ ദിവസങ്ങളില് ഒരു ജില്ലയിലും കേന്ദ്ര കാലാവസ്ഥ വകുപ്പിന്റെ അലര്ട്ട് ഇല്ല.
ബംഗാള് ഉള്ക്കടലില് രൂപപ്പെട്ട ന്യുനമര്ദ്ദം ശക്തി കൂടിയ ന്യൂനമര്ദ്ദമായി നിലക്കൊള്ളുകയാണ്. അറബിക്കടലില് തെക്കന് ഗുജറാത്ത് തീരം മുതല് വടക്കന് കേരള തീരം വരെയാണ് ന്യുനമര്ദ്ദ പാത്തി നിലനില്ക്കുന്നത്. ഇതിന്റെ സ്വാധീനഫലമായാണ് വരുംദിവസങ്ങളിലും മഴ ലഭിക്കുക എന്നും കാലാവസ്ഥ വകുപ്പ് അറിയിച്ചു.
കര്ണാടക തീരത്ത് ഇന്നും (20/08/2025) ലക്ഷദ്വീപ് പ്രദേശത്ത് (21/08/2025 & 22/08/2025) തീയതികളിലും മത്സ്യബന്ധനത്തിന് പോകാന് പാടില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
